વિદ્યાર્થીઓને તેમના કેમેરા ચાલુ કરવા માટે પ્રોત્સાહિત કરવાની વ્યૂહરચના

છેલ્લા બે વર્ષમાં શિક્ષણના દરેક પરંપરાગત ધોરણોને ફરીથી વ્યાખ્યાયિત કરવામાં આવ્યા છે. ઓનલાઇન વર્ગોને કારણે બાળકો દિવસના મોટાભાગના સમય માટે તેમના લેપટોપ સાથે ચોંટી જવાથી થાકેલા હોય છે તે એકદમ સામાન્ય બાબત છે. એ તેમના સહાધ્યાયીઓ સાથેની મજા ચૂકી જવાની લાગણીમાં વધારો કરે છે. આ પરિસ્થિતિનો સામનો કરવા, શિક્ષકો ઓનલાઇન વર્ગોને મનોરંજક બનાવવા માટે સામાજિક-ભાવનાત્મક શિક્ષણ અભિગમોનો ઉપયોગ કરી શકે છે તથા તેમના વિદ્યાર્થીઓમાં ફરીથી સમુદાયની ભાવનાને જાગૃત કરી શકે છે અને તેમને તેમના કેમેરા ચાલુ કરવા અને નીચેની પ્રેક્ટિસ કરવા પ્રોત્સાહિત કરી શકે છે:

ભૂમિકા ભજવવાની પ્રેક્ટિસ કરો: સાહિત્યના વર્ગોમાં ભૂમિકા ભજવવી એ વિધાર્થીઓમાં ઊર્જા વધારવાનો એક શ્રેષ્ઠ વિકલ્પ છે. જ્યારે તમે નાટક અથવા પાઠ વાંચી રહ્યા હો ત્યારે વિદ્યાર્થીઓને વિવિધ ભૂમિકા સોંપી શકાય છે અને તે જ ભૂમિકા ભજવી શકાય છે.

વાર્તાનો ઉપયોગ કરો: વાર્તા કહેવા માટે વર્ગોના અંતના સમયને અનામત રાખીને વિદ્યાર્થીઓને વિરામ લેવા પ્રોત્સાહિત કરો. અંતે નૈતિક સાથેની મનોરંજક વાર્તા તમારા નાના વિદ્યાર્થીઓના દિવસને ચમકાવી શકે છે. વિદ્યાર્થીઓને તેમના કેમેરા ચાલુ કરવા અને દરેક વર્ગના અંતે વાર્તા કહેવાનું કહો. જેનાથી તેમનો આત્મવિશ્વાસ પણ વધે છે અને તેમની જાહેરમાં બોલવાની કુશળતામાં વધારો થાય છે.

સર્જનાત્મક રજૂઆતો: શાળાકાર્ય સિવાયના વિષયો પરની રજૂઆતો વિદ્યાર્થીઓને એકબીજા સાથે વાતચીત કરવા માટે પ્રોત્સાહિત કરશે. તેઓ વર્ગખંડમાં પાછા ફરવાના ઉત્સાહ સાથે ગ્રૂપ પ્રોજેક્ટ્સ પર સાથે મળીને કામ કરી શકે છે.

આ ઉપરાંત, તમે વિદ્યાર્થીઓને રોજિંદા પ્રવૃત્તિઓ વિશે એકબીજા સાથે વાતચીત કરવાની, એકબીજાની પ્રગતિને ટ્રેક  કરવાની અને સહકારી શિક્ષણ વ્યૂહરચના રજૂ કરવાનું શીખવવાની મંજૂરી પણ આપી શકો છો. જેનાથી વિદ્યાર્થીઓનો આત્મવિશ્વાસ વધે છે અને તેઓ ઓનલાઇન વર્ગોમાં નિષ્ક્રિય સહભાગી બનવાને બદલે તેમના કેમેરા ચાલુ કરીને ભાગ લેવાનું શરૂ કરશે.