ಹೊಸ ರೀತಿಯ ಶಿಕ್ಷಣ: ಪಿಸಿಗಳಿಂದ ಸಶಕ್ತಗೊಳಿಸಲಾಗಿದೆ

 

ಪಿಸಿ-ಕಲಿಕೆಯ ಈ ಕಾಲವು ಶಿಕ್ಷಕರು ಮತ್ತು ವಿದ್ಯಾರ್ಥಿಗಳಿಗೆ ಅನೇಕ ಅನುಕೂಲಗಳನ್ನು ಒದಗಿಸುವಂತಹ ಒಂದು ಹೊಸ ರೀತಿಯ ಶಿಕ್ಷಣ ಪದ್ಧತಿಯನ್ನು ತಂದಿದೆ. ಶಿಕ್ಷಕರಾಗಿ, ನೀವು ತರಗತಿಯಲ್ಲಿ ಹೆಚ್ಚು ಅನುಕೂಲಕರವಾದ ಕಲಿಕೆಯ ವಾತಾವರಣವನ್ನು ಸೃಷ್ಟಿಸಲು ಈ ಸೌಲಭ್ಯಗಳನ್ನು ಬಳಸಬೇಕು.

 

  1. ಮಲ್ಟಿಮೀಡಿಯಾವನ್ನು ನಿಮ್ಮ ಅನುಕೂಲಕ್ಕೆ ತಕ್ಕಂತೆ ಬಳಸಿಕೊಳ್ಳಿ

ತಾಂತ್ರಿಕ ಕೌಶಲ್ಯಗಳನ್ನು ಕಲಿಯುವಾಗ ಪಿಸಿ ಚಾಲಿತ ಪರಿಕರಗಳು ವಿದ್ಯಾರ್ಥಿಗಳಿಗೆ ದೃಶ್ಯೀಕರಿಸಲು, ಸೃಜನಶೀಲತೆಗೆ ಮತ್ತು ಅಭಿವ್ಯಕ್ತಿಗೆ ಅನುವು ಮಾಡಿಕೊಡುತ್ತದೆ. ಇದು ಅವರ ಪರಿಕಲ್ಪನೆಗಳು ಮುಂಚೂಣಿಗೆ ಬರಲು ಸಹಾಯ ಮಾಡುವುದಲ್ಲದೆ ಅವರು ವಯಸ್ಕರಾದಾಗ ಕೂಡಾ ನೆರವಾಗುತ್ತದೆ. ಉಜ್ವಲ ಭವಿಷ್ಯಕ್ಕಾಗಿ ನಾಳೆಯ ಮಕ್ಕಳನ್ನು ಚಿಕ್ಕ ವಯಸ್ಸಿನಿಂದಲೇ ಮಲ್ಟಿಮೀಡಿಯಾಕ್ಕೆ ಒಗ್ಗಿಕೊಳ್ಳುವಂತೆ ಮಾಡಿ.

 

  1. ಕಲಿಕೆಗೆ ಯಾವುದೇ ನಿರ್ಬಂಧವಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ

ವರ್ಚುವಲ್ ಕಲಿಕೆಯೊಂದಿಗೆ, ವಿದ್ಯಾರ್ಥಿಗಳು ಪ್ರಪಂಚದಾದ್ಯಂತದ ಯಾವುದೇ ಕೌಶಲ್ಯವನ್ನು ಕಲಿಯಬಹುದಾದ್ದರಿಂದ ಅವರು ಇನ್ನು ಮುಂದೆ ಸೀಮಿತ ಚೌಕಟ್ಟಿನ ಶಿಕ್ಷಣವನ್ನು ಆರಿಸಬೇಕಾಗಿಲ್ಲ. ಇದು ಅವರ ಆತ್ಮವಿಶ್ವಾಸವನ್ನು ಹೆಚ್ಚಿಸುವುದಲ್ಲದೆ, ಅವರ ವ್ಯಕ್ತಿತ್ವದ ಅನ್ವೇಷಣೆಗೆ ಮತ್ತು ವಿಕಸನಕ್ಕೆ ಅವಕಾಶವನ್ನು ನೀಡುತ್ತದೆ.

 

  1. ದೃಶ್ಯಮಾಧ್ಯಮದ ಸಾಧನಗಳನ್ನು ಬಳಸಿ

ವ್ಯಕ್ತಪಡಿಸಲಾಗದ ಪರಿಕಲ್ಪನೆಗಳನ್ನು ದೃಶ್ಯೀಕರಿಸುವುದು ಸಾಮಾನ್ಯವಾಗಿ ಕಷ್ಟ, ಅದಕ್ಕಾಗಿಯೇ ನೀವು ಪರಿಕಲ್ಪನೆಗಳನ್ನು ಕಡಿಮೆ ಅಸ್ಪಷ್ಟ ಮತ್ತು ಹೆಚ್ಚು ದೃಢವಾಗಿಸಲು ಪಿಸಿ ಬೆಂಬಲಿತ ಕಲಿಕಾ ಸಾಧನಗಳನ್ನು ಬಳಸಬಹುದು. ಏಕೆಂದರೆ ಅವು ನೋಡಲು ಮಗುವಿನ ಕಣ್ಣ ಮುಂದೆಯೇ ಇರುತ್ತವೆ.

 

  1. ಸುಲಭ ಸಂವಹನವನ್ನು ಬೆಳೆಸಿಕೊಳ್ಳಿ

ಕಂಪ್ಯೂಟರ್ ಗಳು, ತಂತ್ರಜ್ಞಾನ ಮತ್ತು ಅಂತರ್ಜಾಲವು ಜಗತ್ತನ್ನು ಹತ್ತಿರವಾಗಿಸುತ್ತದೆ. ನಿಮ್ಮ ಮಕ್ಕಳು ನಿಮ್ಮ ನಗರ, ಶಾಲೆ ಮತ್ತು ತರಗತಿಗೆ ಸೀಮಿತವಾದದ್ದನ್ನು ಮಾತ್ರ ಕಲಿಯುತ್ತಿಲ್ಲ ಮತ್ತು ಕಲಿಕೆಯ ಬಗ್ಗೆ ಜಾಗತಿಕ ದೃಷ್ಟಿಕೋನವನ್ನು ಹೊಂದಿರುತ್ತಾರೆ ಎಂದು ನೀವು ಖಚಿತಪಡಿಸಿಕೊಳ್ಳಬಹುದು.

 

  1. ಸಂಶೋಧನೆ ಮತ್ತು ಮಾಹಿತಿಯನ್ನು ತ್ವರಿತವಾಗಿ ನಿಮ್ಮದಾಗಿಸಿಕೊಳ್ಳಬಹುದು.

ಕಂಪ್ಯೂಟರ್ ಶಿಕ್ಷಣವು ಮಕ್ಕಳಿಗೆ ಸಂಶೋಧನೆಗಾಗಿ ಮಾಹಿತಿಯನ್ನು ವೇಗವಾಗಿ ಮತ್ತು ಸುಲಭದಲ್ಲಿ ಪಡೆಯಲು ಅವಕಾಶವೀಯುತ್ತದೆ. ಕೆಲವೇ ಕ್ಲಿಕ್ ಗಳ ಮೂಲಕ, ಅವರು ತಮ್ಮ ಅನುಮಾನಗಳಿಗೆ ಉತ್ತರಗಳನ್ನು ಪಡೆಯಬಹುದು ಮತ್ತು ಇದು ವಿಷಯವನ್ನು ಇನ್ನಷ್ಟು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಅವರಿಗೆ ಅನುವು ಮಾಡಿಕೊಡುತ್ತದೆ.

 

ನಿಮ್ಮ ವಿದ್ಯಾರ್ಥಿಗಳು ಅಧ್ಯಯನ ಮಾಡುವ ವಿಧಾನವನ್ನು ಪರಿವರ್ತಿಸಲು ಮತ್ತು ಜ್ಞಾನವನ್ನು  ಮೈಗೂಡಿಸಿಕೊಳ್ಳಲು ಇ-ಕಲಿಕೆಯನ್ನು ನಿಮ್ಮ ತರಗತಿಯ ಭಾಗವಾಗಿಸಿಕೊಳ್ಳಿ.



ಮನೆಯಲ್ಲಿ ಅನುಕೂಲಕರ ಕಲಿಕೆಯ ವಾತಾವರಣವನ್ನು ಸೃಷ್ಟಿಸುವುದು

ಇತ್ತೀಚಿನ ಸಂದರ್ಭಗಳಿಗೆ ತಕ್ಕಂತೆ, ಮಕ್ಕಳ ಶಿಕ್ಷಣವನ್ನು ಅವರ ತರಗತಿಗಳ ಕೊಠಡಿಗಳಿಂದ ಅವರ ಮನೆಗಳಿಗೆ ಸ್ಥಳಾಂತರಿಸಲಾಗಿದೆ. ಆನ್ ಲೈನ್ ತರಗತಿಗಳು ಹೊಸ ಕಲಿಕೆಯ ಪದ್ಧತಿ ಆಗುವುದರೊಂದಿಗೆ, ಮಕ್ಕಳು, ಪೋಷಕರು ಮತ್ತು ಶಿಕ್ಷಕರು ಇದರಿಂದ ಹೆಚ್ಚಿನ ಉಪಯೋಗ ಪಡೆಯಲು ಹೊಸ ತಂತ್ರಗಳನ್ನು ಪ್ರಯತ್ನಿಸುತ್ತಿದ್ದಾರೆ. ಅಂತಹ ಸಮಯದಲ್ಲಿ, ಶಿಕ್ಷಕರಾಗಿ ನಿಮ್ಮ ಪಾತ್ರವು ಪೋಷಕರು ಮತ್ತು ವಿದ್ಯಾರ್ಥಿಗಳಿಗೆ ಮನೆಯಲ್ಲಿ ಅನುಕೂಲಕರ ಕಲಿಕೆಯ ವಾತಾವರಣವನ್ನು ಸೃಷ್ಟಿಸಲು ಸಹಾಯ ಮಾಡುತ್ತದೆ.

ಆನ್ ಲೈನ್ ತರಗತಿಗಳ ಸದುಪಯೋಗ ಮಾಡಿಕೊಳ್ಳುವಲ್ಲಿ ಮಗುವಿಗೆ ನೆರವಾಗಲು ತರಗತಿಯಲ್ಲಿ ನೀವು ಕಾರ್ಯಗತಗೊಳಿಸಬಹುದಾದ ಮತ್ತು ಪೋಷಕರೊಂದಿಗೆ ಹಂಚಿಕೊಳ್ಳಬಹುದಾದ ಕೆಲವು ಅಂಶಗಳು ಇಲ್ಲಿವೆ:

ಪೋಷಕರು ಮತ್ತು ಶಿಕ್ಷಕರು:

  • ಪೋಷಕರೊಂದಿಗೆ ಉತ್ತಮವಾಗಿ ಸಹಕರಿಸಲು, ಆನ್ ಲೈನ್ ತರಗತಿಗಾಗಿ ನಿಮ್ಮ ನೆಚ್ಚಿನ ಕಾರ್ಯತಂತ್ರಗಳ ಕುರಿತು ಸಲಹೆಗಳನ್ನು ಕಳುಹಿಸುವುದನ್ನು ಪರಿಗಣಿಸಿ. ನೀವು ತರಗತಿಗಳನ್ನು ಹೇಗೆ ನಿರ್ವಹಿಸುತ್ತೀರಿ ಎಂಬುದರ ಕುರಿತು ಸಲಹೆಗಳನ್ನು ಪರಸ್ಪರ ಹಂಚಿಕೊಳ್ಳುವುದರಿಂದ ಅದು ಮಗುವನ್ನು ಮನೆಯಲ್ಲಿ ಪರಿಚಿತ ವಾತಾವರಣದಲ್ಲಿ ಇರಿಸಲು ಸಹಾಯ ಮಾಡುತ್ತದೆ. ಇದು ಮಗುವಿಗೆ ಪಠ್ಯವಿಷಯಗಳ ಮೇಲೆ ಹೆಚ್ಚು ಗಮನಹರಿಸಲು ಅನುವು ಮಾಡಿಕೊಡುತ್ತದೆ.
  • ಕಲಿಕೆಗಾಗಿ ಮಕ್ಕಳಿಗೆ ಒಂದು ಸ್ಥಳ ನಿಗದಿಪಡಿಸುವುದರಿಂದ ಅಥವಾ “ಈಗ ತರಗತಿ ನಡೆಯುತ್ತಿದೆ” ಎನ್ನುವ ಒಂದು ಚಿಕ್ಕ ಬ್ಯಾನರ್ ಅನ್ನು ತರಗತಿಯ ಸಮಯದಲ್ಲಿ ಅವರ ಎದುರು ನೇತು ಹಾಕುವುದರಿಂದ ಅದು ಅವರ ಏಕಾಗ್ರತೆಯನ್ನು ಹೆಚ್ಚಿಸಲು ತುಂಬಾ ನೆರವಾಗಬಹುದು. ಶಿಕ್ಷಕರಾಗಿ, ತರಗತಿಗಳನ್ನು ಹೆಚ್ಚು ವೈಯಕ್ತೀಕರಿಸಲು ಮತ್ತು ಉತ್ಸಾಹಭರಿತವಾಗಿರುವಂತೆ ಮಾಡಲು ನೀವು ಕೆಲವು ಮೋಜಿನ ಚಟುವಟಿಕೆಗಳನ್ನು ನಡೆಸುವ ಸಲುವಾಗಿ ಸಣ್ಣ ವಿರಾಮಗಳನ್ನು ತೆಗೆದುಕೊಳ್ಳಬಹುದು. ವಿದ್ಯಾರ್ಥಿಯ ಆಸಕ್ತಿಗಳು ಮತ್ತು ಒಲವುಗಳ ಬಗ್ಗೆ ನೀವು ಹೆಚ್ಚು ತಿಳಿದುಕೊಂಡಷ್ಟೂ, ಅವರಿಗೆ ಚೆನ್ನಾಗಿ ಕಲಿಸಲು ನಿಮಗೆ ಸಾಧ್ಯವಾಗುತ್ತದೆ.

ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು:

  • ವರ್ಚುವಲ್ ಕೂಟಗಳು ಮತ್ತು ಆನ್ ಲೈನ್ ಪಿಟಿಎ ಸಭೆಗಳನ್ನು ನಡೆಸುವುದನ್ನು ಪರಿಗಣಿಸಿ. ಒಂದು ಸುರಕ್ಷಿತ ಜಾಗದಲ್ಲಿ ಸಭೆ ನಡೆಸುವುದರಿಂದ ಅದು ಪೋಷಕರಿಗೆ ಅವರ ಯಾವುದೇ ಸಮಸ್ಯೆಗಳನ್ನು ಪರಿಹರಿಸಲು ಸಹಾಯ ಮಾಡುತ್ತದೆ.
  • ಮಗು ಮಾಡಿದ ಅತ್ಯುತ್ತಮ ಸಾಧನೆಯನ್ನು ನೀವು ವಾರಕ್ಕೊಮ್ಮೆ ಮಗುವಿನ ಪೋಷಕರಿಗೆ ಕಳುಹಿಸಬಹುದು. ಮಕ್ಕಳ ಕೆಲಸವನ್ನು ಪ್ರಶಂಸಿಸುವುದು ಮತ್ತು ಪ್ರದರ್ಶಿಸುವುದರಿಂದ ಅದು ಮಕ್ಕಳನ್ನು ಹೆಚ್ಚು ಶ್ರಮಪಟ್ಟು ಕಲಿಯಲು ಪ್ರೋತ್ಸಾಹಿಸುತ್ತದೆ.

ಮಗುವಿನ ಶೈಕ್ಷಣಿಕ ಪ್ರಯಾಣದ ಬಗ್ಗೆ ಸರಿಯಾದ ಪರಿಜ್ಞಾನವನ್ನು ಬೆಳೆಸಿಕೊಳ್ಳುವುದರಿಂದ ಅದು ವರ್ಚುವಲ್ ತರಗತಿಯಲ್ಲಿ ಗಮನಾರ್ಹ ಬದಲಾವಣೆಯನ್ನು ತರಬಹುದು ಮತ್ತು ಪೋಷಕ-ಶಿಕ್ಷಕರ ನಡುವಿನ ಸಹಕಾರವನ್ನು ಹೆಚ್ಚಿಸಬಹುದು.

ಆನ್ ಲೈನ್ ಕಲಿಕೆಗೆ ಅಡಿಪಾಯವನ್ನು ನಿರ್ಮಿಸುವ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ನಮ್ಮ ವೆಬಿನಾರ್ ಗೆ ಸೇರಿ - https://www.dellaarambh.com/webinars/