ಈ ಡಿಜಿಟಲ್ ಯುಗದಲ್ಲಿ, ಅಪಾರ ಸಂಖ್ಯೆಯ ವಿಷಯಗಳನ್ನು ಹುಡುಕಲು ಅಂತರ್ಜಾಲವನ್ನು ಲಕ್ಷಗಟ್ಟಲೆ ಜನರು ಈಗ ಬಳಸುತ್ತಿದ್ದಾರೆ. ಅಂತರ್ಜಾಲದಲ್ಲಿ ಕೊನೆಯಿಲ್ಲದ ಮಾಹಿತಿ ಮತ್ತು ಸಂಪನ್ಮೂಲಗಳೊಂದಿಗೆ, ಈಗ ನಿಮಗೆ ವಿಶ್ವದಲ್ಲಿ ಗೊತ್ತು ಮಾಡಿಕೊಳ್ಳದ ವಿಷಯವೇ ಇಲ್ಲವಾಗಿದೆ. ಆದರೆ ನೀವು ಆರಂಭಿಸುವುದು ಹೇಗೆ? ^[1]

1) ಒಂದು ವೇಳಾಪಟ್ಟಿಯನ್ನು ನಿರ್ವಹಿಸಿ, ಸಮಯದ ಮಿತಿಯನ್ನು ನಿಗದಿಪಡಿಸುವುದರ ಮಹತ್ವ

ಪ್ರತಿಯೊಂದಕ್ಕೂ ಸಿದ್ಧರಾಗಿ ಇರುವುದು ಯಾವಾಗಲೂ ಅತ್ಯುತ್ತಮವಾಗಿರುತ್ತದೆ. ಆದ್ದರಿಂದ, ನೀವು ಒಂದು ವೇಳಾಪಟ್ಟಿಯನ್ನು ತಯಾರಿಸಿದಾಗ, ಸಂಶೋಧನೆ ಮಾಡಲು ನಿಮಗೆ ಬೇಕಾಗುವ ಸಮಯವನ್ನಷ್ಟೇ ಅಲ್ಲದೇ, ನೀವು ವಿಚಲಿತರಾಗುವಷ್ಟು ಬಾರಿಯ ಸಮಯವನ್ನೂ ಮೀಸಲಿರಿಸಿ. ಒಂದು ವಿಷಯದ ಮೇಲೆ ನಿಮ್ಮ ಸಂಶೋಧನೆಯನ್ನು ಸಂಪೂರ್ಣಗೊಳಿಸಿ, ಅದೇ ಪಥದಲ್ಲಿರಲು ನಿಮಗೆ ವಾಸ್ತವಿಕವಾಗಿ ಎಷ್ಟು ಸಮಯ ಬೇಕಾಗುತ್ತದೆ ಎಂಬುದನ್ನು ಅರ್ಥೈಸಿಕೊಳ್ಳಲು ಇದು ನಿಮಗೆ ನೆರವಾಗುತ್ತದೆ.

2) ವೈಕಿಪೀಡಿಯಾದೊಂದಿಗೆ ಆರಂಭಿಸಿ (ಆದರೆ ನಿಲ್ಲಿಸಬೇಡಿ)

ಒಂದು ನಿರ್ದಿಷ್ಟ ವಿಷಯದ ಬಗ್ಗೆ ಮೇಲ್ನೋಟವನ್ನು ಪಡೆದುಕೊಳ್ಳಲು ಮತ್ತು ಇನ್ನೂ ಹೆಚ್ಚಿನ ಮೂಲಗಳನ್ನು ಕಂಡುಕೊಳ್ಳಲು Wikipedia ^[2] ತುಂಬಾ ಉಪಯುಕ್ತವಾಗಿದೆ. ನಿಮ್ಮ ಸಂಶೋಧನೆಯನ್ನು ಮುಂದುವರೆಸಲು ಕೀವರ್ಡ್ಗಳು, ಸಂಪನ್ಮೂಲಗಳು, ಸೂಚಿಸಿದ ಮತ್ತು ಸಂಬಂಧಿಸಿದ ಲಿಂಕ್ಗಳನ್ನು ನೀವು ಆಯ್ದುಕೊಳ್ಳಬಹುದು. ಆದರೆ, ಇದು ಒಂದು ಸಮುದಾಯದಿಂದ ಹುಟ್ಟು ಹಾಕಲ್ಪಟ್ಟ ವೇದಿಕೆಯಾಗಿರುವುದರಿಂದ, ಅದನ್ನು ನಿಮ್ಮ ಏಕಮಾತ್ರ ಮೂಲವನ್ನಾಗಿ ಬಳಸುವುದನ್ನು ತಪ್ಪಿಸಿ.

3) ನಿರ್ದಿಷ್ಟ ಪದಗುಚ್ಛಗಳು, ವಿಶಿಷ್ಟ ಕೀವರ್ಡ್ಗಳು ಮತ್ತು ಅಡ್ವಾನ್ಸ್ಡ್ ಸರ್ಚ್ ಫಂಕ್ಷನ್ ಅನ್ನು ಬಳಸುವುದು

ಗೂಗಲ್ನಿಂದ ಅದರ ಬಹುಪಾಲು ಉಪಯೋಗವನ್ನು ಪಡೆದುಕೊಳ್ಳಿ! ಕೆಲವು ಹ್ಯಾಕ್ಗಳೊಂದಿಗೆ, ಗೂಗಲ್ನ ಅಡ್ವಾನ್ಸ್ಡ್ ಸರ್ಚ್ ಫಂಕ್ಷನ್ನಲ್ಲಿ ವಿಶಿಷ್ಟ ಕೀವರ್ಡ್ಗಳು, ನಿರ್ದಿಷ್ಟ ಪದಗುಚ್ಛಗಳು ಮತ್ತು ಕಮಾಂಡ್ಗಳೊಂದಿಗೆ ನಿಮಗೆ ಬೇಕಾದ ನಿಖರ ಮಾಹಿತಿಯನ್ನು ನೀವು ಪಡೆದುಕೊಳ್ಳಬಹುದು. ಉದಾಹರಣೆಗೆ, ಫಲಿತಾಂಶಗಳನ್ನು ನಿಖರವಾಗಿ ಆದೇ ಪದಗುಚ್ಛಗಳೊಂದಿಗೆ ಕಂಡುಕೊಳ್ಳಲು ನಿಮ್ಮ ಪದಗುಚ್ಛವನ್ನು &ldquo&rdquo ಒಳಗೆ ಹುಡುಕಿ. ^[3]

4) ಗೂಗಲ್ ಸ್ಕಾಲರ್ ಮತ್ತು ಗೂಗಲ್ ಬುಕ್ಸ್ ಅನ್ನು ಉಪಯೋಗಿಸಿಕೊಳ್ಳುವುದು

ಪ್ರಖ್ಯಾತ ವಿದ್ವಾಂಸರಿಂದ ನಿಯತಕಾಲಿಕಗಳು ಮತ್ತು ಪಠ್ಯಪುಸ್ತಕಗಳನ್ನು ಪಡೆದುಕೊಳ್ಳುವುದಕ್ಕಿಂತ ಹೆಚ್ಚು ಉತ್ತಮವಾದದ್ದು ಯಾವುದೂ ಇರಲಾರದು. ನಿಮ್ಮ ವಿಷಯದ ಮೇಲಿನ ಆಳವಾದ ಜ್ಞಾನಕ್ಕಾಗಿ ಗೂಗಲ್ ಸ್ಕಾಲರ್ ಮತ್ತು ಗೂಗಲ್ ಬುಕ್ಸ್ ಅನ್ನು ನಿಮ್ಮ ಸಂಶೋಧನೆಯ ಅವಶ್ಯಕ ಭಾಗವನ್ನಾಗಿಸಿಕೊಳ್ಳಿ. ಅಲ್ಲದೇ, ನಿಮ್ಮ ಹುಡುಕಾಟಕ್ಕೆ ಸಂಬಂಧಿಸದ ಸಾವಿರಾರು ಫಲಿತಾಂಶಗಳನ್ನು ನೀವು ಬೆದಕಬೇಕಿರುವುದಿಲ್ಲ.

5) ಕೋರಾ ಅನ್ನು ಬಳಸುವುದರ ಪ್ರಯೋಜನಗಳು

ಕೋರಾ ಎಂಬುದು ಜೀವನದ ಹಲವಾರು ನಡಿಗೆಗಳಿಂದ ಬಂದ, ಚರ್ಚೆಗಳಲ್ಲಿ ಸಕ್ರಿಯವಾಗಿ ತೊಡಗಿಕೊಂಡಿರುವ ಜನರ ಅದ್ಭುತವಾದ ಸಮುದಾಯವಾಗಿದೆ. ನಿಮ್ಮಂತೆಯೇ ಇರುವ ವಿದ್ಯಾರ್ಥಿಗಳಿಂದ ನಿಮ್ಮ ಪ್ರಶ್ನೆಗಳಿಗೆ ಉತ್ತರಗಳನ್ನು ಪಡೆದುಕೊಳ್ಳಿ, ನಿಮ್ಮ ವಿಷಯದ ಮೇಲೆ ಹಲವಾರು ಅಭಿಪ್ರಾಯಗಳು ಮತ್ತು ದೃಷ್ಟಿಕೋನಗಳನ್ನು ಓದಿ.

ಅಧ್ಯಯನವನ್ನು ನಿಮಗೆ ಹೆಚ್ಚು ವ್ಯವಸ್ಥಿತಗೊಳಿಸುತ್ತಾ ಹಾಗೂ ಅದೇ ಸಮಯದಲ್ಲಿ ಆನಂದಿಸತಕ್ಕುದನ್ನಾಗಿಸುತ್ತಾ, ಸರಿಯಾದ ಮಾಹಿತಿ ಮತ್ತು tools ಗಳಿಂದ ಕಲಿಕೆ ಮತ್ತು ಸಂಶೋಧನೆಗಾಗಿ ಪಿಸಿ ಬಹಳ ಉಪಯುಕ್ತವಾಗಬಲ್ಲದು. ನಿಮ್ಮ ಅಧ್ಯಯನ ಸಂತೋಷದಾಯಕವಾಗಿರಲಿ!

ಶಿಕ್ಷಣ ಕ್ಷೇತ್ರವು ಹಲವು ವರ್ಷಗಳಿಂದ ಕ್ರಿಯಾತ್ಮಕ ಬದಲಾವಣೆಯ ಮೂಲಕ ಸಾಗಿದೆ. ಮಾಹಿತಿಯ ಪ್ರಸಾರದಿಂದ ಹಿಡಿದು ಮುದ್ರಣಾಲಯದ ಆವಿಷ್ಕಾರದಿಂದ ಹಿಡಿದು ವಿಶ್ವವಿದ್ಯಾಲಯಗಳ ಸ್ಥಾಪನೆಯವರೆಗೆ ಸಾಗಿ ಬಂದ ಶಿಕ್ಷಣ ಉದ್ಯಮದಲ್ಲಿ ನಾವು ಈಗ ಮತ್ತೊಂದು ಮಹತ್ವದ ಬದಲಾವಣೆಯನ್ನು ನೋಡುತ್ತಿದ್ದೇವೆ.

ಆನ್ ಲೈನ್ ಬೋಧನೆಯು ಶಿಕ್ಷಣದ ಭವಿಷ್ಯವಾಗಿದೆ. ಕಾಲ ಬದಲಾಗಿರುವ ಪ್ರಸ್ತುತ ಪರಿಸ್ಥಿತಿಯಲ್ಲಿ, ಭವಿಷ್ಯದ ಶಿಕ್ಷಕರು ಈ ಸಂದರ್ಭಕ್ಕೆ ಅನುಗುಣವಾಗಿ ಶಿಕ್ಷಣದ ಹೊಸ ಅಲೆಗೆ ಹೊಂದಿಕೊಂಡರು. ಸಾಂಪ್ರದಾಯಿಕ ಬೋಧನಾ ವಿಧಾನಗಳನ್ನು  ಅಳವಡಿಸಿಕೊಳ್ಳುವ ಮೂಲಕ ಮತ್ತು ಅದರಲ್ಲಿ ಬದಲಾವಣೆಯನ್ನು ತರುವ ಮೂಲಕ, ಶಿಕ್ಷಕರು ಪರಿಣಾಮಕಾರಿಯಾದ ವಾಸ್ತವ(ವರ್ಚುವಲ್) ಕಲಿಕಾ ಪರಿಸರವನ್ನು ರೂಪಿಸಲು ತರಬೇತಿಯನ್ನು ಪಡೆದರು.

ಇ-ಗ್ರಂಥಾಲಯಗಳು, ಶ್ರವ್ಯ / ದೃಶ್ಯ ಪರಿಕರಗಳು, ಸಂವಾದಾತ್ಮಕ ತರಗತಿಗಳು ಮತ್ತು ತರಗತಿಯಲ್ಲಿ ಉದ್ಭವಿಸಬಹುದಾದ ತಾಂತ್ರಿಕ ಸಮಸ್ಯೆಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳುವ ಮೂಲಕ, ಶಿಕ್ಷಕರು ಬೆಳವಣಿಗೆ ಮತ್ತು ಶಿಕ್ಷಣವು ಸ್ಥಗಿತಗೊಳ್ಳದಂತೆ ನೋಡಿಕೊಂಡಿದ್ದಾರೆ.

ಈ ಶಿಕ್ಷಕರು ಶಿಕ್ಷಣಕ್ಕಾಗಿ ಪಿಸಿ  ಯನ್ನು ಚೆನ್ನಾಗಿ ಅರಿತುಕೊಂಡಿರುವುದು ಮಾತ್ರವಲ್ಲದೆ ನಿರೀಕ್ಷೆಗಳನ್ನು ಮೀರಿ ಮುನ್ನಡೆದಿದ್ದಾರೆ. ಅವರು ಪೂರ್ಣ ಪ್ರಮಾಣದ ಮೌಲ್ಯಮಾಪನಗಳು, ಅಸೈನ್ಮೆಂಟ್ ಗಳು, ಪರೀಕ್ಷೆಗಳು, ಪ್ರಗತಿಯ ದಾಖಲೆಗಳು ಮತ್ತು ವರ್ಚುವಲ್ ಮಾಧ್ಯಮದ ಮೂಲಕ ತಕ್ಷಣವೇ ಮರುಮಾಹಿತಿ, ಸಂವಾದಾತ್ಮಕ ಆನ್ ಲೈನ್ ತರಗತಿಗಳನ್ನು ರೂಪಿಸುವುದು ಮುಂತಾದುವುಗಳನ್ನು ರೂಢಿ ಮಾಡಿಕೊಂಡಿದ್ದಾರೆ.

ಡೆಲ್ ಆರಂಭ್ ನಲ್ಲಿ, ವೆಬಿನಾರ್ ಗಳ ಮೂಲಕ, ಪಿಸಿ ಯಿಂದ ಸಶಕ್ತಗೊಂಡ ಕಲಿಕೆಯನ್ನು ವಿದ್ಯಾರ್ಥಿಗಳಿಗೆ ತಲುಪಿಸುವ ಸಲುವಾಗಿ ಶಿಕ್ಷಕರಿಗೆ ಸಹಾಯ ಮಾಡಲು ನಾವು ಬಯಸಿದ್ದೇವೆ. ನಾವು 75-90 ನಿಮಿಷಗಳ ಅವಧಿಯ ವೆಬಿನಾರ್ ಗಳನ್ನು ವಿನ್ಯಾಸಗೊಳಿಸಿದ್ದೇವೆ ಮತ್ತು ಅವುಗಳ ಮೂಲಕ ಈ ಕೆಳಗಿನ ವಿಷಯಗಳನ್ನು ಪರಿಚಯಿಸಿದ್ದೇವೆ:

• ಆನ್ ಲೈನ್ ಬೋಧನೆಗಾಗಿ ಮಾನಸಿಕ ತಯಾರಿ
• ಆನ್ ಲೈನ್ ಬೋಧನೆಗಾಗಿ ಪರಿಕರಗಳು
• ಆನ್ ಲೈನ್ ತರಗತಿಗಳ ಯೋಜನೆಯನ್ನು ರೂಪಿಸುವುದು
• ಆನ್ ಲೈನ್ ತರಗತಿಗಳನ್ನು ಕಾರ್ಯಗತಗೊಳಿಸುವುದು
• ಪರಿಣಾಮಕಾರಿ ಬೋಧನೆ - ಆನ್ ಲೈನ್
• ತಂತ್ರಜ್ಞಾನದ ಸಿದ್ಧತೆ
• ಅಡೆತಡೆಗಳು ಮತ್ತು ಅವುಗಳನ್ನು ನಿಭಾಯಿಸುವುದು ಹೇಗೆ
• ಆನ್ ಲೈನ್ ಮೂಲಕ ಪರಿಣಾಮಕಾರಿಯಾಗಿ ಬೋಧನೆ
• ಕಲಿಕೆಯ ಪರಿಣಾಮಗಳಿಗೆ ರೂಪು ಕೊಡಿ ಮತ್ತು ಆದ್ಯತೆ ನೀಡಿ
• ತೊಡಗಿಸಿಕೊಳ್ಳಲು ಚಿಂತನೆಗಳು
• ಮೌಲ್ಯಮಾಪನಗಳ ಬಗ್ಗೆ ಮರುವಿಚಾರ ಮಾಡಿ
• ಆನ್ ಲೈನ್ ತರಗತಿಯಲ್ಲಿ ಏನನ್ನು ತಪ್ಪಿಸಬೇಕು
• ಬೋಧನಾ ಮಾದರಿಗಳ ದಕ್ಷತೆ

ಶಿಕ್ಷಣವನ್ನು ತಲುಪಿಸುವ ಮತ್ತು ಸ್ವೀಕರಿಸುವ ವಿಧಾನವು ವೇಗವಾಗಿ ಬದಲಾಗುತ್ತಿದೆ, ಇದು ಶಿಕ್ಷಣದ ಮುಂದಿನ ಹಂತಕ್ಕೆ ನಮ್ಮನ್ನು ಕರೆದೊಯ್ಯುತ್ತದೆ. ಶಿಕ್ಷಕರ ದಿನಾಚರಣೆಯ ಸಂದರ್ಭದಲ್ಲಿ, ಈ ಮಹತ್ವದ ಬದಲಾವಣೆಯ ಚುಕ್ಕಾಣಿ ಹಿಡಿದಿರುವವರ ಪ್ರಯತ್ನಗಳನ್ನು ನಾವು ಕೃತಜ್ಞತಾಪೂರ್ವಕವಾಗಿ ಸ್ಮರಿಸುತ್ತೇವೆ ಮತ್ತು ಪ್ರಶಂಸಿಸುತ್ತೇವೆ, ಅವರೇ ಶಿಕ್ಷಕರು!

ವಿಶ್ವವು ಪ್ರತಿವರ್ಷ ಮಾರ್ಚ್ 8 ರಂದು ಅಂತರರಾಷ್ಟ್ರೀಯ ಮಹಿಳಾ ದಿನವನ್ನು ಆಚರಿಸುತ್ತದೆ. ಅಂತಹ ಐತಿಹಾಸಿಕ ದಿನದಂದು ಮಕ್ಕಳು ಮಹಿಳೆಯರ ತ್ಯಾಗ ಮತ್ತು ಸಮಾಜದಲ್ಲಿ ಅವರು ಹೊಂದಿರುವ ಶಕ್ತಿಯ ಬಗ್ಗೆ ತಿಳಿಯಬೇಕು.

ನಿಮ್ಮ ಮಗುವಿನೊಂದಿಗೆ ಒಂದು ಉತ್ತಮ ಮತ್ತು ಶೈಕ್ಷಣಿಕ ಅಂತರರಾಷ್ಟ್ರೀಯ ಮಹಿಳಾ ದಿನವನ್ನು ನೀವು ಹೇಗೆ ಯೋಜಿಸಬಹುದು ಎಂಬುದು ಇಲ್ಲಿದೆ.

ಒಂದು ಚಲನಚಿತ್ರ ಪ್ರದರ್ಶನವನ್ನು ಆಯೋಜಿಸಿ

ಅನೇಕ ಚಿತ್ರಗಳಲ್ಲಿ ಮಕ್ಕಳಿಗೆ ಸ್ಫೂರ್ತಿ ನೀಡುವಂತಹ ಬಲವಾದ ಸ್ತ್ರೀ ಪಾತ್ರಗಳಿವೆ. ನಿಮ್ಮ ಮಗುವಿನ ವಯಸ್ಸಿಗೆ ಅನುಗುಣವಾಗಿ, ಅವರೊಂದಿಗೆ ಮಹಿಳೆಯರ ಶಕ್ತಿಯನ್ನು ಬಿಂಬಿವಂತಹ ಒಂದು ಚಲನಚಿತ್ರವನ್ನು ನೋಡಿ.

ಆನ್ ಲೈನ್ ನಲ್ಲಿ ಜೀವನಚರಿತ್ರೆಗಳನ್ನು  ಓದಿ

ಇಂದು, ನೀವು ಆನ್ ಲೈನ್ ನಲ್ಲಿ ಪ್ರಭಾವೀ ಮಹಿಳೆಯರ ಜೀವನಚರಿತ್ರೆಗಳನ್ನು ಕಾಣಬಹುದು, ಇದು ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಗೆ ಸೂಕ್ತವಾಗಿದೆ. ನೀವು ಮತ್ತು ನಿಮ್ಮ ಮಗು ಜೀವನದಲ್ಲಿ ಅದ್ಭುತವಾದ ಸಾಧನೆಗಳನ್ನು ಮಾಡಿದ ವಿನ್ಯಾಸಕಾರರು ಹಾಗೂ ಕಲಾವಿದರಿಂದ ಹಿಡಿದು ವಿಜ್ಞಾನಿಗಳವರೆಗೆ ಅಸಾಧಾರಣ ಮಹಿಳೆಯರ ಜೀವನಗಾಥೆಯನ್ನು ಅರಿಯಬಹುದು.

ಒಟ್ಟಿಗೆ ಅಡುಗೆ ಮಾಡಿ

ನೀವು ಮತ್ತು ನಿಮ್ಮ ಮಗು ಜೊತೆಗೂಡಿ ಕೆಲವು ಸುಲಭ ಮತ್ತು ಆಸಕ್ತಿದಾಯಕ ಭಕ್ಷ್ಯಗಳನ್ನು ತಯಾರಿಸಬಹುದು. ಅವರು ಯೂಟ್ಯೂಬ್ ನಲ್ಲಿ ಪಾಕವಿಧಾನಗಳನ್ನು ಹುಡುಕಲಿ ಮತ್ತು .ಭೋಜನಕ್ಕೆ ಬೇಕಾದ ಮೆನುವನ್ನು ಆರಿಸಲಿ. ಇದು ಅವರಿಗೆ ಅಡುಗೆ ಒಂದು ಸಾಮಾನ್ಯ ಜೀವನ ಕೌಶಲ್ಯ ಮತ್ತು ಇದು ಲಿಂಗ ಆಧಾರಿತ ಕೆಲಸವಲ್ಲ ಎಂದು ಕಲಿಸುತ್ತದೆ.

ಒಂದು ಸ್ಪರ್ಧಾತ್ಮಕ ಆಟವನ್ನು ಆಡಿ

ವಿನೋದದಿಂದ ಕೂಡಿದ ಮತ್ತು ಸ್ಪರ್ಧಾತ್ಮಕವಾದ ಆಟಗಳನ್ನು ನೀವು ಒಟ್ಟಿಗೆ ಆಡಬೇಕು. ಹೆಚ್ಚಿನ ಮಕ್ಕಳು ಆಟವಾಡುವುದನ್ನು ಆನಂದಿಸುತ್ತಾರೆ ಮತ್ತು ವಯಸ್ಸಿನಲ್ಲಿ ದೊಡ್ದವರಾದ ನಮಗೆ, ಅವರೊಂದಿಗೆ ಆಟವಾಡಲು ಸಮಯವಿಲ್ಲ. ಆನ್ ಲೈನ್ ನಲ್ಲಿ ಆಡಲು ನೀವು ಹಲವು ಮೋಜಿನ ಆಟಗಳನ್ನು ಕಂಡುಹಿಡಿಯಬಹುದು.

ವರ್ಚುವಲ್ ಶುಭಾಶಯ ಪತ್ರವನ್ನು ವಿನ್ಯಾಸಗೊಳಿಸಲು ಅವರಿಗೆ ಸಹಾಯ ಮಾಡಿ

ಶುಭಾಶಯ ಪತ್ರಗಳನ್ನು ಆನ್ ಲೈನ್ ನಲ್ಲಿ ತಯಾರಿಸುವಂತೆ ನಿಮ್ಮ ಮಕ್ಕಳನ್ನು ಹುರಿದುಂಬಿಸಿ ಮತ್ತು ಅವನ್ನು ಅಂತರರಾಷ್ಟ್ರೀಯ ಮಹಿಳಾ ದಿನದಂದು ಶಿಕ್ಷಕರು ಮತ್ತು ಕುಟುಂಬ ಸದಸ್ಯರಿಗೆ ಕಳುಹಿಸಿ. ಈ ಪ್ರಕ್ರಿಯೆಯನ್ನು ಸುಲಭ ಮತ್ತು ಅತ್ಯಂತ ಸೃಜನಶೀಲಗೊಳಿಸಲು ಅವರು ಕ್ಯಾನ್ವಾದಂತಹ ಆನ್ ಲೈನ್ ಪರಿಕರಗಳನ್ನು ಬಳಸಬಹುದು.

ವಿನೋದದಿಂದ ಕೂಡಿದ ಈ ವಿಧಾನಗಳೊಂದಿಗೆ, ನೀವು ನಿಮ್ಮ ಮಕ್ಕಳಿಗೆ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಬಗ್ಗೆ ಕಲಿಸಬಹುದು ಮತ್ತು ಸಂತೋಷದಿಂದ ಕಾಲ ಕಳೆಯಬಹುದು.

ಮಕ್ಕಳು ಸಾಮಾನ್ಯವಾಗಿ ತಮ್ಮ ಪಠ್ಯಕ್ರಮವನ್ನು ಮುಗಿಸಲು ಕಂಠಪಾಠ ಮಾಡುವ (ಉರು ಹೊಡೆಯುವ) ಅಭ್ಯಾಸವನ್ನು ಬೆಳೆಸಿಕೊಳ್ಳುತ್ತಾರೆ. ಆದರೆ, ಕಂಠಪಾಠದ ಮೂಲಕ ಕಲಿಯುವುದು (ರೋಟ್ ಲರ್ನಿಂಗ್) ಪರಿಣಾಮಕಾರಿಯಲ್ಲದ ವಿಧಾನವಾಗಿದೆ, ಏಕೆಂದರೆ ಇದು ಮಕ್ಕಳಿಗೆ ಪರಿಕಲ್ಪನೆಗಳನ್ನು ಅರ್ಥಮಾಡಿಕೊಳ್ಳಲು ಕಲಿಸುವುದಿಲ್ಲ. ಈ ತಂತ್ರದ ಮೂಲಕ ಕಲಿತ ಪರಿಕಲ್ಪನೆಗಳನ್ನು ಮಕ್ಕಳು ಶೀಘ್ರದಲ್ಲಿಯೇ ಮರೆತುಬಿಡುವುದರಿಂದ ದೀರ್ಘಾವಧಿಯಲ್ಲಿ ಈ ರೀತಿಯ ಕಲಿಕೆಯಿಂದ ಯಾವುದೇ ಪ್ರಯೋಜನಗಳಿಲ್ಲ.

ಉರು ಹೊಡೆದು ಕಲಿಯುವುದರಿಂದ ಆಗುವ ಕೆಲವು ಗಮನಾರ್ಹ ಅನಾನುಕೂಲಗಳು ಹೀಗಿವೆ:

ಸುಲಭವಾಗಿ ಮರೆಯಬಹುದು -

ಪರೀಕ್ಷೆಗಳಲ್ಲಿ ಉತ್ತರಿಸಬೇಕೆಂದರೆ, ಮಕ್ಕಳು ಕಲಿಯುವಾಗ ಪರಿಕಲ್ಪನೆಗಳನ್ನು ಸಂಪೂರ್ಣವಾಗಿ ಗ್ರಹಿಸಬೇಕಾಗುತ್ತದೆ. ಅವರು ಕಂಠಪಾಠದ ಮೂಲಕ ಕಲಿತರೆ, ಪರೀಕ್ಷೆಗಳು ಮುಗಿದ ತಕ್ಷಣವೇ ಅವರು ಮಾಹಿತಿಯನ್ನು ಸಂಪೂರ್ಣವಾಗಿ ಮರೆತುಬಿಡುವ ಸಾಧ್ಯತೆಯಿದೆ. ಇದು ಭವಿಷ್ಯದಲ್ಲಿ ಅವರ ಪ್ರಗತಿಗೆ ಅಡ್ಡಿಯಾಗುತ್ತದೆ ಏಕೆಂದರೆ ಅವರಿಗೆ ಸುಲಭವಾಗಿ ಮುಂದಿನ ಪರಿಕಲ್ಪನೆಗಳಿಗೆ ಹೋಗಲು ಸಾಧ್ಯವಾಗುವುದಿಲ್ಲ.

ವಿಷಯವನ್ನು ಆಳವಾಗಿ ಅರ್ಥಮಾಡಿಕೊಳ್ಳಲು ತಡೆ -

ಉರು ಹೊಡೆಯುವ ಕಲಿಕೆ ಯಾವುದೇ ವಿಷಯದಲ್ಲಿ ದುರ್ಬಲವಾದ ಅಡಿಪಾಯಕ್ಕೆ ಕಾರಣವಾಗುತ್ತದೆ, ಇದು ಮುಂದುವರೆದಂತೆ ಭಾರೀ ಪರಿಕಲ್ಪನೆಗಳನ್ನು ಕಲಿಯಲು ಅಡ್ಡಿಯಾಗುತ್ತದೆ. ಉದಾಹರಣೆಗೆ, ಗುಣಿಸುವುದು ಹೇಗೆ ಎಂದು ತಿಳಿಯದೆ ಸಮೀಕರಣವನ್ನು ಪರಿಹರಿಸಲು ಸಾಧ್ಯವಿಲ್ಲ. ಕಂಠಪಾಠದ ಮೂಲಕ ನೆನಪಿನಲ್ಲಿಟ್ಟುಕೊಳ್ಳುವುದರಿಂದ ಹೊಸ ಮತ್ತು ಹಳೆಯ ಜ್ಞಾನದ ನಡುವೆ ಸಂಕೀರ್ಣ ಜೋಡಣೆಯನ್ನು ಮಾಡಲು ಮಕ್ಕಳಿಗೆ ಸಾಧ್ಯವಾಗುವುದಿಲ್ಲ.

ಮಿದುಳಿಗೆ ಸವಾಲು ಹಾಕುವುದಿಲ್ಲ -

ಮಕ್ಕಳನ್ನು ನೆನಪಿನಲ್ಲಿಟ್ಟುಕೊಳ್ಳುವ ಬದಲು ಅದನ್ನು ಸಾಬೀತುಪಡಿಸಲು ಸವಾಲು ಹಾಕುವುದು, ಪರಿಕಲ್ಪನೆಗಳ ಬಗ್ಗೆ ಆಳವಾದ ತಿಳುವಳಿಕೆಯನ್ನು ಪಡೆಯಲು ಸಹಾಯ ಮಾಡುತ್ತದೆ. ಅವರು ತಮ್ಮ ಮೆದುಳಿಗೆ ಸವಾಲು ಹಾಕಿದಾಗ, ಅವರು ಕಲಿಯುತ್ತಾರೆ ಮತ್ತು ಬೆಳೆಯುತ್ತಾರೆ, ಅದು ಅವರಿಗೆ ತರಗತಿಯಲ್ಲಿ ಉತ್ತಮ ಶ್ರೇಣಿಯಲ್ಲಿರಲು ಸಹಾಯ ಮಾಡುತ್ತದೆ.

ಕಂಠ ಪಾಠ ಬೇಡವೆಂದು ಹೇಳಿ ಮತ್ತು ನಿಮ್ಮ ಮಕ್ಕಳಿಗೆ ಜ್ಞಾನ, ಬೆಳವಣಿಗೆ ಮತ್ತು ಕುತೂಹಲದಿಂದ ತುಂಬಿದ ಭವಿಷ್ಯವನ್ನು ನೀಡಿ. ಅದಕ್ಕೆ ಅವರು ಅರ್ಹರು. ಪ್ರಮುಖ ಪರಿಕಲ್ಪನೆಗಳನ್ನು ಗ್ರಹಿಸಲು ಮತ್ತು ಡಿಜಿಟಲ್ ನೇಟಿವ್ಸ್ ಗಳನ್ನು ಬೆಳೆಸುವ ಬಗ್ಗೆ ತಿಳಿಯಲು ನಮ್ಮ ವೆಬಿನಾರ್ ಗೆ ಸೇರಿ. - https://www.dellaarambh.com/webinars/

ಹೊಸ ತಲೆಮಾರಿನವರು ತಮ್ಮ ಫೋನ್ ಗಳಿಗೆ ಅಂಟಿಕೊಂಡಿರುತ್ತಾರೆ ಮತ್ತು ವೀಡಿಯೊಗಳನ್ನು ತ್ವರಿತಗತಿಯಲ್ಲಿ ಬಳಸುತ್ತಾರೆ. ವೀಡಿಯೊಗಳು ದೈನಂದಿನ ಜೀವನದಲ್ಲಿ ಬೀರುವ ಪರಿಣಾಮವನ್ನು ಗಮನಿಸಿದರೆ, ಈ ವೇದಿಕೆಯನ್ನು ಶಿಕ್ಷಣ ವ್ಯವಸ್ಥೆಯಲ್ಲೂ ವಿಸ್ತರಿಸುವುದು ಸಹಜವಾಗಿದೆ. ತರಗತಿಯಲ್ಲಿ ವೀಡಿಯೊಗಳನ್ನು ಸೇರಿಸುವುದರಿಂದ ಅದು ನಿಮ್ಮ ವಿದ್ಯಾರ್ಥಿಗಳಿಗೆ ಅವರ ಅಧ್ಯಯನ ಸಾಮಗ್ರಿಗಳನ್ನು ಪರಿಣಾಮಕಾರಿ ರೀತಿಯಲ್ಲಿ ಗ್ರಹಿಸಲು ಹೇಗೆ ಸಹಾಯ ಮಾಡುತ್ತದೆ ಎಂಬ ಬಗ್ಗೆ ಕೆಳಗೆ ತಿಳಿಸಲಾಗಿದೆ.

1. ಪುಸ್ತಕಗಳನ್ನು ಮಾತ್ರ ಬಳಸುವುದಕ್ಕಿಂತ ಹೆಚ್ಚು ಆಕರ್ಷಕವಾಗಿರುವ ಸಂವೇದನಾ ಅನುಭವವನ್ನು ವೀಡಿಯೊಗಳು ಸೃಷ್ಟಿಸುತ್ತವೆ. ವೀಡಿಯೊಗಳು ಸರಳವಾದ ಭಾಷೆ ಮತ್ತು ಪ್ರಕಾಶಮಾನವಾದ ಚಿತ್ರಗಳನ್ನು ಬಳಸಿಕೊಂಡು ಜ್ಞಾನವನ್ನು ಒದಗಿಸುವುದರೊಂದಿಗೆ ಮೆದುಳಿಗೆ ವಿಶ್ರಾಂತಿ ನೀಡುವುದರಿಂದ ಮಕ್ಕಳು ಸಂವೇದನಾ ಅನುಭವಕ್ಕೆ ಉತ್ತಮವಾಗಿ ಸ್ಪಂದಿಸುತ್ತಾರೆ.

2. ಅವುಗಳನ್ನು ಯಾವುದೇ ಸಾಧನದಲ್ಲಿ ಎಲ್ಲಿಂದಲಾದರೂ ವೀಕ್ಷಿಸಬಹುದು, ಹೀಗಾಗಿ ಇದು ವಿದ್ಯಾರ್ಥಿಗಳಿಗೆ ಉತ್ತಮ ಸಂಪನ್ಮೂಲವಾಗಿದೆ. ದಪ್ಪ ಪುಸ್ತಕಗಳನ್ನು ಕೊಂಡೊಯ್ಯುವುದಕ್ಕಿಂತ ವೀಡಿಯೊಗಳು ಹೆಚ್ಚು ಅನುಕೂಲಕರವಾಗಿವೆ.

3. ವೀಡಿಯೊಗಳು ಜ್ಞಾನವನ್ನು ಹಿಡಿದಿಟ್ಟುಕೊಳ್ಳುವ ಶಕ್ತಿಯನ್ನು ಹೆಚ್ಚಿಸುತ್ತವೆ. ವೀಡಿಯೊಗಳನ್ನು ನೆನಪಿಟ್ಟುಕೊಳ್ಳುವುದು ಸುಲಭ ಏಕೆಂದರೆ ಮಾಹಿತಿಯನ್ನು ಸಂಕ್ಷಿಪ್ತ ರೀತಿಯಲ್ಲಿ ಪ್ರಸ್ತುತಪಡಿಸಲಾಗುತ್ತದೆ. ವೀಡಿಯೊಗಳ ಮೂಲಕ ಪ್ರಮುಖ ಅಂಶಗಳ ಮೇಲೆ ಸುಲಭವಾಗಿ ಗಮನ ಹರಿಸಬಹುದು ಮತ್ತು ಉತ್ತಮ ತಿಳುವಳಿಕೆಗಾಗಿ ಅದನ್ನು ವಿವರವಾಗಿ ತಿಳಿದುಕೊಳ್ಳಬಹುದು.

4. ವೀಡಿಯೊಗಳನ್ನು ಪ್ಲೇ ಮಾಡಬಹುದು ಮತ್ತು ಅದಕ್ಕೆ ವಿರಾಮ ಕೊಡಬಹುದಾದ್ದರಿಂದ ಅವುಗಳನ್ನು ನಮಗೆ ಬೇಕಾದ ರೀತಿಯಲ್ಲಿ ಬಳಸಿಕೊಳ್ಳಬಹುದು. ಮುದ್ರಣ ಸಾಮಗ್ರಿಗಳನ್ನು ಮಾತ್ರ ಬಳಸುವುದರಿಂದ, ವಿದ್ಯಾರ್ಥಿಗಳು ತಾವು ಮುಖ್ಯವೆಂದು ಭಾವಿಸುವ ಪ್ರತಿಯೊಂದು ಪುಟವನ್ನು ಅದರ ಮೂಲೆಯನ್ನು ಮಡಚುವ ಮೂಲಕ ಗುರುತು ಮಾಡುವುದು ತೊಡಕಿನ ಕೆಲಸವಾಗಿರುತ್ತದೆ. ಹೆಚ್ಚುವರಿ ಸಂಪನ್ಮೂಲವಾಗಿ ವೀಡಿಯೊಗಳನ್ನು ಬಳಸುವುದರಿಂದ ಅವರು ಮಾಡಬೇಕಾಗಿರುವುದು ವೀಡಿಯೊದಲ್ಲಿನ ಕಾಲ ಗಣನೆಯನ್ನು(ಟೈಮ್-ಸ್ಟ್ಯಾಂಪ್) ನೆನಪಿನಲ್ಲಿಟ್ಟುಕೊಳ್ಳುವುದೊಂದೇ.

ಪಠ್ಯಕ್ರಮದಲ್ಲಿ ವೀಡಿಯೊಗಳನ್ನು ಸೇರಿಸುವುದರಿಂದ ವಿದ್ಯಾರ್ಥಿಗಳಿಗೆ ಹೆಚ್ಚಿನ ಹೊರೆಯಾಗದಂತೆ ಅಥವಾ ಏಕಾಗ್ರತೆಯನ್ನು ಕಳೆದುಕೊಳ್ಳದಂತೆ ಪಠ್ಯವಿಷಯವನ್ನು ಕಲಿಯಲು ನೆರವಾಗುತ್ತದೆ. ಆನ್ ಲೈನ್ ತರಗತಿಗಳಿಗೆ ಸಂಬಂಧಿಸಿದಂತೆ ಹೆಚ್ಚಿನ ಮಾಹಿತಿಗಾಗಿ ನಮ್ಮ ವೆಬಿನಾರ್ ಗಳಿಗೆ ಟ್ಯೂನ್ ಮಾಡಿ - https://www.dellaarambh.com/webinars/ [dellaarambh.com]

ತಂತ್ರಜ್ಞಾನವು ನಮ್ಮ ಜೀವನದ ಹಲವು ಸಂಗತಿಗಳನ್ನು ಸುವ್ಯವಸ್ಥಿತಗೊಳಿಸಿದೆ, ಆದರೆ ಇದು ಉದ್ವೇಗ ಮತ್ತು ಒತ್ತಡಕ್ಕೂ ಕಾರಣವಾಗಬಹುದು. ನಮ್ಮ ಮಕ್ಕಳು ಈ ಡಿಜಿಟಲ್ ಮಾದರಿಯ ಬದಲಾವಣೆಯ ಕೇಂದ್ರದಲ್ಲಿ ಇರುವುದರಿಂದ, ನಾವು ಅವರಲ್ಲಿ ಚಿಕ್ಕ ವಯಸ್ಸಿನಿಂದಲೇ ಡಿಜಿಟಲ್ ಶಿಸ್ತು ಕೌಶಲ್ಯಗಳನ್ನು ಮೂಡಿಸಬೇಕು.

1. ಡಿಜಿಟಲ್ ಬಳಕೆ:

ಇತ್ತೀಚಿನ ದಿನಗಳಲ್ಲಿ ಮಕ್ಕಳು ಆಧುನಿಕ ಸಾಧನಗಳಿಗೆ ಬಹುತೇಕ ತಕ್ಷಣವೇ ಒಗ್ಗಿಕೊಳ್ಳುತ್ತಾರೆ. ಮಕ್ಕಳು ಕಲಿಯುವಾಗ ಮತ್ತು ಅವರ ಸೃಜನಶೀಲತೆಯನ್ನು ಅನ್ವೇಷಿಸುವಾಗ ಈ ಸಾಧನಗಳನ್ನು ಆದಷ್ಟೂ ಹೆಚ್ಚು ಬಳಸಿಕೊಳ್ಳುವಂತೆ ಅವರಿಗೆ ತಿಳಿಹೇಳುವುದು ಅಗತ್ಯವಾಗಿದೆ.

2. ಡಿಜಿಟಲ್ ಸುರಕ್ಷತೆ:

ನಿಮ್ಮ ಮಗುವಿನ ಡಿಜಿಟಲ್ ಸುರಕ್ಷತೆಯನ್ನು ಖಾತರಿಪಡಿಸುವ ಪ್ರಾಯೋಗಿಕ ವಿಧಾನಗಳಲ್ಲಿ, ಡಿಜಿಟಲ್ ಮಾಧ್ಯಮದ ಅಪಾಯಗಳ ಬಗ್ಗೆ ಅವರೊಂದಿಗೆ ಮಾತನಾಡುವುದು, ಅವರಿಗೆ ಜಾಗೃತರಾಗಿರಲು ಮತ್ತು ರೆಡ್ ಫ್ಯಾಗ್&zwjಗಳನ್ನು ಗುರುತಿಸಲು ಅನುವು ಮಾಡಿಕೊಡುವುದು ಸೇರಿವೆ. ಮಕ್ಕಳ ಸ್ನೇಹಿ ಸರ್ಚ್ ಇಂಜಿನ್&zwjಗಳು ಮತ್ತು ಪೋಷಕರ ನಿಯಂತ್ರಣಗಳನ್ನು ಬಳಸುವುದು ಸಹ ಖಂಡಿತವಾಗಿಯೂ ಸಹಾಯ ಮಾಡುತ್ತದೆ.

3. ಡಿಜಿಟಲ್ ಭದ್ರತೆ:

ಹ್ಯಾಕಿಂಗ್, ಹಗರಣಗಳು ಮತ್ತು ಸೈಬರ್-ಬೆದರಿಸುವಿಕೆ ಇಂದು ಸಾಮಾನ್ಯವಾಗಿದೆ. ಆನ್ ಲೈನ್ ನಲ್ಲಿ ಬೆದರಿಕೆಗಳನ್ನು ಗುರುತಿಸುವ ಮತ್ತು ಅಪಾಯಗಳನ್ನು ನಿರ್ವಹಿಸುವ ಸಾಮರ್ಥ್ಯವು ಬಹಳ ಮುಖ್ಯವಾಗಿದೆ. ಯಾವುದೇ ಸಮಸ್ಯಾತ್ಮಕ ಆನ್ ಲೈನ್ ಸನ್ನಿವೇಶಗಳ ಸಂದರ್ಭದಲ್ಲಿ ಅನುಸರಿಸಬೇಕಾದ ಸುರಕ್ಷತಾ ಪ್ರೋಟೋಕಾಲ್ ಗಳ ಕುರಿತು ನೀವು ಮಕ್ಕಳೊಂದಿಗೆ ಮಾತನಾಡಬೇಕು.

4. ಡಿಜಿಟಲ್ ಭಾವನಾತ್ಮಕ ಪ್ರಜ್ಞೆ

ನಿಮ್ಮ ಮಕ್ಕಳು ಆನ್ ಲೈನ್ ಜಗತ್ತನ್ನು ಜಾಲಾಡುವಾಗ ನೀವು ಅವರಲ್ಲಿ ಡಿಜಿಟಲ್ ಭಾವನಾತ್ಮಕ ಪ್ರಜ್ಞೆಯನ್ನು ಮೂಡಿಸಬೇಕು. ಮಕ್ಕಳು ಆನ್ ಲೈನ್ ನಲ್ಲಿ ಅನುಭೂತಿಯಿಂದಿರುವ ಅವಶ್ಯಕತೆ ಏನೆಂಬುದನ್ನು ಅರ್ಥಮಾಡಿಕೊಳ್ಳಬೇಕು. ಅವರು ಸ್ವತಃ ಮತ್ತು ಇತರರ ಬಗ್ಗೆ ದಯೆ ತೋರಲು ಕಲಿಯಬೇಕು.

5. ಡಿಜಿಟಲ್ ಸಂವಹನ:

ಡಿಜಿಟಲ್ ಅಭಿವ್ಯಕ್ತಿ ವಿಮೋಚನೆಗೊಳ್ಳುತ್ತಿದೆ. ಇದರಿಂದ ನಮ್ಮ ಮಕ್ಕಳು ಇತರರೊಂದಿಗೆ ಸಂವಹನ ಮತ್ತು ಪರಿಣಾಮಕಾರಿಯಾಗಿ ಸಹಕರಿಸಲು ಸಾಧ್ಯವಾಗುತ್ತದೆ. ಸಂಪನ್ಮೂಲಗಳು ಮತ್ತು ಸಾಧನಗಳು ನಿಜವಾಗಿಯೂ ಅವರ ಪ್ರತಿಭೆ ಮತ್ತು ಸೃಜನಶೀಲತೆಯನ್ನು ಹೆಚ್ಚಿಸಬಹುದು.

ಈ ಡಿಜಿಟಲ್ ಕೌಶಲ್ಯ ಮತ್ತು ವಿಧಾನಗಳಿಂದ, ಮಕ್ಕಳು ಈ ಡಿಜಿಟಲ್ ಯುಗದಲ್ಲಿ ಅಭಿವೃದ್ಧಿ ಹೊಂದಲು ಸಾಧ್ಯವಾಗುತ್ತದೆ. ಒಳನೋಟವುಳ್ಳ ಡಿಜಿಟಲ್ ಅಭ್ಯಾಸಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನೀವು ನಮ್ಮ ವೆಬಿನಾರ್ ಗಳಿಗೆ ಇಲ್ಲಿ ಸೇರಬಹುದು: https://www.dellaarambh.com/webinars/

ಈಗಿನ ಹೊಸ ಸಹಜ ಸ್ಥಿತಿಯಲ್ಲಿ, ಶಿಕ್ಷಕರ ಪಾತ್ರವು ತರಗತಿಯನ್ನೂ ಮೀರಿ ವಿಸ್ತರಿಸಿದೆ. ವಿದ್ಯಾರ್ಥಿಗಳು ಇನ್ನೂ ತಮ್ಮ ಮನೆಗಳಲ್ಲಿರುವಾಗ, ಶಿಕ್ಷಕರು ಒಂದು ಆದರ್ಶ ತರಗತಿಯ ವಾತಾವರಣವನ್ನು ಸೃಷ್ಟಿಸುವಲ್ಲಿ ಹೊಸ ಸವಾಲುಗಳನ್ನು ಎದುರಿಸುತ್ತಿದ್ದಾರೆ. ಶಿಕ್ಷಕರು ತಮ್ಮ ವಿದ್ಯಾರ್ಥಿಗಳನ್ನು ಪಾಠಗಳಲ್ಲಿ ಆಸಕ್ತಿಯುಳ್ಳವರನ್ನಾಗಿಸಲು ದೃಶ್ಯ ಮಾಧ್ಯಮ, ಅನಿಮೇಟೆಡ್ ವಿಡಿಯೋಗಳು, ಮತ್ತು ಆಟದೊಂದಿಗಿನ ರಸ ಪ್ರಶ್ನೆಗಳಂತಹ  ಹೊಸ ವಿಧಾನಗಳನ್ನು ಅಭಿವೃದ್ಧಿಪಡಿಸಿದ್ದಾರೆ. ಶಿಕ್ಷಕರು ತರಗತಿಯ ವ್ಯಾಪ್ತಿಗಳನ್ನು ಮರು ವ್ಯಾಖ್ಯಾನಿಸಿರುವ ಇತರ ಕೆಲವು ವಿಧಾನಗಳು ಇಲ್ಲಿವೆ:

ಇ-ಕಲಿಕೆ ಮತ್ತು ವೈಯಕ್ತೀಕರಣಕ್ಕೆ ಪರಿವರ್ತನೆ:

ಇ-ಕಲಿಕೆಯನ್ನು ಸಾಧ್ಯವಾಗಿಸುವ ತಂತ್ರಜ್ಞಾನದ ಮೂಲಕ, ಶಿಕ್ಷಕರು ವಿದ್ಯಾರ್ಥಿಗಳಿಗೆ ಇ-ಕಲಿಕೆಗೆ ಪರಿವರ್ತನೆಗೊಳ್ಳಲು ಸಹಾಯ ಮಾಡಿದ್ದಾರೆ. ಪ್ರತಿಯೊಬ್ಬ ವಿದ್ಯಾರ್ಥಿಯ ಅವಶ್ಯಕತೆಗಳನ್ನು ಪೂರೈಸಲು ವೈಯಕ್ತೀಕರಿಸಿದ ಕಲಿಕೆಯನ್ನು ಪರಿಚಯಿಸಲಾಗಿದೆ. ಮಕ್ಕಳು ತಮ್ಮದೇ ಆದ ವೇಗದಲ್ಲಿ ಕಲಿಕೆಯನ್ನು ಮುಂದುವರಿಸಬಹುದು ಮತ್ತು ಕಲಿಕಾ ಸಾಮಗ್ರಿಗಳನ್ನು ಸುಸಂಗತವಾಗಿ ಗ್ರಹಿಸಬಹುದು.

ವಿಷಯ ವಸ್ತುವಿನ ರಚನೆಕಾರರಾಗಿ ಶಿಕ್ಷಕರು:

ಲಭ್ಯವಿರುವ ವಿಷಯವನ್ನು ಅವಲಂಬಿಸುವ ಬದಲು ಶಿಕ್ಷಕರು ವಿಷಯವಸ್ತುವಿನ ರಚನೆಕಾರರಾಗಲು ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ. ವಿದ್ಯಾರ್ಥಿಗಳಿಗೆ ಹೊಸದಾದ, ತೊಡಗಿಸಿಕೊಳ್ಳುವ, ಸಂವಾದಾತ್ಮಕ ವಿಷಯವಸ್ತುವನ್ನು ರೂಪಿಸುವ ಮೂಲಕ, ಅವರು ವಿದ್ಯಾರ್ಥಿಗಳು ಸಮಗ್ರವಾಗಿ ಅಭಿವೃದ್ಧಿ ಹೊಂದಲು ಕೊಡುಗೆ ನೀಡಿದ್ದಾರೆ.

ಪ್ರಶ್ನೆಗಳು ಮತ್ತು ಒತ್ತಡ:

ಈಗಿನ ಹೊಸ ಸನ್ನಿವೇಶಗಳಲ್ಲಿ, ಶಿಕ್ಷಕರು ಪೋಷಕರ ಪ್ರಶ್ನೆಗಳನ್ನು ಮತ್ತು ಆನ್ ಲೈನ್ ಕಲಿಕೆಯ ಒತ್ತಡಗಳನ್ನು ನಿರ್ವಹಿಸುವಲ್ಲಿ ಪರಿಣತಿಯನ್ನು ಬೆಳೆಸಿಕೊಂಡಿದ್ದಾರೆ. ಶಿಕ್ಷಕರು ಸ್ವತಃ ವಿದ್ಯಾರ್ಥಿಗಳಾಗಿ, ಹೊಸ ಬೋಧನಾ ವಿಧಾನಗಳಿಗೆ ತಮ್ಮನ್ನು ಒಡ್ಡಿಕೊಂಡಿದ್ದಾರೆ.

ಶಿಕ್ಷಕರ ದಿನಾಚರಣೆಯಂದು, ತಮ್ಮ ವಿದ್ಯಾರ್ಥಿಗಳ ಭವಿಷ್ಯವನ್ನು ಉಜ್ವಲಗೊಳಿಸಲು ತಮ್ಮನ್ನು ತಾವು ಅರ್ಪಿಸಿಕೊಂಡ ಈ ಶಿಕ್ಷಕರನ್ನು ನಾವು ಗೌರವಿಸುತ್ತೇವೆ. ಇಲ್ಲಿ ಡೆಲ್ ವೆಬಿನಾರ್ ಗಳಿಗೆ ಸೇರಿ: https://www.dellaarambh.com/webinars/

ಶಿಕ್ಷಕರ ದಿನದ ಶುಭಾಶಯಗಳು!

ಇಂದಿನ ವಿಚಲಿತಗೊಳಿಸುವ, ಡಿಜಿಟಲ್ ಯುಗದಲ್ಲಿ ನಿಮ್ಮ ಮಗುವಿನ ಶೈಕ್ಷಣಿಕ ಪ್ರಗತಿಯನ್ನು ಟ್ರ್ಯಾಕ್ ಮಾಡುವುದು ಸವಾಲಾಗಿದೆ. ಆದ್ದರಿಂದ ಪೋಷಕರಾಗಿ, ನಾವು ನಮ್ಮ ಮಕ್ಕಳ ಶಿಕ್ಷಕರಿಗೆ ಸಂಬಂಧಿತ ಪ್ರಶ್ನೆಗಳನ್ನು ಕೇಳುತ್ತಲೇ ಇರಬೇಕು. ಉತ್ತರಗಳು ಒಳನೋಟಗಳನ್ನು ನೀಡುತ್ತವೆ ಮತ್ತು ಮಕ್ಕಳ ಪ್ರಗತಿಯನ್ನು ಟ್ರ್ಯಾಕ್ ಮಾಡಲು, ಲೋಪವನ್ನು ಗುರುತಿಸಲು ಮತ್ತು ಅವರಿಗೆ ಒಂದು ಪರಿಣಾಮಕಾರಿಯಾದ, ಸಮಗ್ರ ಕಲಿಕಾ ಅನುಭವವನ್ನು ಒದಗಿಸಲು ನಮಗೆ ಅನುವು ಮಾಡಿಕೊಡುತ್ತದೆ.

ಕೆಲವು ಪ್ರಮುಖ ಪ್ರಶ್ನೆಗಳು ಹೀಗಿವೆ:

1. ಯಾವ ವಿಧಾನಗಳಿಂದಾಗಿ ನನ್ನ ಮಗು ಹೆಚ್ಚಿನ ಪ್ರಗತಿಯನ್ನು ಸಾಧಿಸಿದೆ?

ಈ ಪ್ರಶ್ನೆಗೆ ಉತ್ತರಗಳು ನಿಮ್ಮ ಮಗು ಯಾವ ಬೋಧನಾ ವಿಧಾನಗಳಿಗೆ ಹೆಚ್ಚು ಪ್ರತಿಕ್ರಿಯಿಸುತ್ತದೆ ಎಂಬುದನ್ನು ಗುರುತಿಸಲು ಸಹಾಯ ಮಾಡುತ್ತದೆ. ನೀವು ಆ ವಿಧಾನಗಳನ್ನು ಮನೆಯಲ್ಲಿಯೂ ದ್ವಿಗುಣಗೊಳಿಸಬಹುದು ಮತ್ತು ಶಾಲೆಯಿಂದ ಕಲಿಕೆಯನ್ನು ಬಲಪಡಿಸಬಹುದು.

2. ಈ ಅವಧಿಯಲ್ಲಿ ನನ್ನ ಮಗುವಿನ ಅತ್ಯುತ್ತಮ ಯಶಸ್ಸು ಯಾವುದು?

ಈ ಪ್ರಶ್ನೆ ಮುಖ್ಯವಾಗಿದೆ. ನಿಮ್ಮ ಮಗುವಿಗೆ ಯಾವುದರ ಬಗ್ಗೆ  ನಿಜವಾಗಿಯೂ ಆಸಕ್ತಿ ಇದೆ ಎಂಬುದನ್ನು ನೀವು ಕಂಡುಕೊಳ್ಳಬಹುದು. ಒಮ್ಮೆ ನೀವು ಅವರ ಯೋಗ್ಯತೆ ಮತ್ತು ಪ್ರತಿಭೆಯನ್ನು ಚೆನ್ನಾಗಿ ಅರ್ಥಮಾಡಿಕೊಂಡರೆ, ನೀವು ಅವರನ್ನು ಪರಿಣಾಮಕಾರಿಯಾಗಿ ಪೋಷಿಸಲು ಸಾಧ್ಯವಾಗುತ್ತದೆ.

3. ನನ್ನ ಮಗು ಹಿಂದೆ ಬಿದ್ದಿದ್ದರೆ ನಾನು ಏನು ಮಾಡಬೇಕು?

ಹೀಗಾದಲ್ಲಿ ನಿರಾಶರಾಗಬೇಡಿ. ನಿಮ್ಮ ಮಗುವಿನ ಶಿಕ್ಷಕರೊಂದಿಗೆ ನೀವು ವಿಚಾರ ಮಂಥನ ಮಾಡಬಹುದು ಮತ್ತು ನಿಮ್ಮ ಮಗುವಿಗೆ ಸ್ಫೂರ್ತಿ ನೀಡುವ ಒಂದು ಯೋಜನೆಯನ್ನು ರೂಪಿಸಬಹುದು. ನೀವು ಅವರಿಗೆ ಅಡೆತಡೆಗಳನ್ನು ಜಯಿಸಲು ಸಶಕ್ತಗೊಳಿಸುವ ವಿಷಯ ಸಾಮಗ್ರಿಗಳನ್ನು ಒದಗಿಸಬಹುದು!

4. ನನ್ನ ಮಗುವನ್ನು ತೊಡಗಿಸಿಕೊಳ್ಳಲು ಮತ್ತು ಪ್ರೇರೇಪಿಸಲು ನಾನು ಮನೆಯಲ್ಲಿ ಯಾವ ಚಟುವಟಿಕೆಗಳನ್ನು ನಡೆಸಬಹುದು?

ಮನೆಯಲ್ಲಿನ ಚಟುವಟಿಕೆಗಳು ನಿಮ್ಮ ಮಗುವಿನ ಕುತೂಹಲವನ್ನು ಉತ್ತೇಜಿಸುವಂತಿರಬೇಕು. ಅವುಗಳು ಶಾಲೆಯಲ್ಲಿ ಕಲಿಯುವ ಕೌಶಲ್ಯ ನಿರ್ಮಾಣ ಮತ್ತು ಕಲಿಕೆಗೆ ಪೂರಕವಾಗಿರಬೇಕು.

5. ನನ್ನ ಮಗು ಅದರ ಸಾಮಾಜಿಕ ಕೌಶಲ್ಯಗಳಲ್ಲಿ ಬೆಳೆಯುತ್ತಿದೆಯೆ ಎಂದು ಖಚಿತಪಡಿಸಿಕೊಳ್ಳುವುದು ಹೇಗೆ ಮತ್ತು ನಾವು ಸಹಪಾಠಿಗಳ ನಡುವೆ ಸ್ನೇಹವನ್ನು ಹೇಗೆ ಕಾಪಾಡಿಕೊಳ್ಳಬಹುದು?

ಶಾಲೆಯಲ್ಲಿ ನಿಮ್ಮ ಮಗುವಿನ ನಡವಳಿಕೆಯನ್ನು ಅರ್ಥಮಾಡಿಕೊಳ್ಳುವುದು ಅವರಿಗೆ ಉತ್ತಮ ಮಾರ್ಗದರ್ಶನ ಮಾಡಲು ಸಹಾಯ ಮಾಡುತ್ತದೆ. ಅವರ ಶಿಕ್ಷಕರೊಂದಿಗೆ ತ್ವರಿತ ಸಂಭಾಷಣೆಯು ಸಮಸ್ಯೆಯಿರುವ ಪ್ರದೇಶಗಳನ್ನು ಗುರುತಿಸಲು ನಿಮಗೆ ಸಹಾಯ ಮಾಡುತ್ತದೆ. ಬಹುಶಃ ಇದು ವೇದಿಕೆಯ ಭಯ, ಹಿಂಜರಿಕೆ ಅಥವಾ ಯಾವುದೇ ಇತರ ಪ್ರತಿಬಂಧಗಳು ಇರಬಹುದು. ನಂತರ ನಿಮ್ಮ ಮಗುವಿನ ನಡವಳಿಕೆಯ ದೃಷ್ಟಿಯಿಂದ ನೀವು ನಿಮ್ಮ ಮಗುವನ್ನು ಸರಿಯಾದ ದಿಕ್ಕಿನಲ್ಲಿ ನಡೆಸಬಹುದು ಮತ್ತು ಅವರ ಸಹಪಾಠಿಗಳು ಮತ್ತು ಗೆಳೆಯರೊಂದಿಗೆ ಉತ್ತಮ ಸ್ನೇಹವನ್ನು ಉಳಿಸಿಕೊಳ್ಳಲು ಸಹಾಯ ಮಾಡಬಹುದು.

ನಿಮ್ಮ ಮಗುವಿನ ಶಿಕ್ಷಕರೊಂದಿಗೆ ಸಹಕರಿಸುವ ಪರಿಣಾಮಕಾರಿ ಮಾರ್ಗಗಳ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ನಮ್ಮ ವೆಬಿನಾರ್ ಗಳಿಗೆ ಟ್ಯೂನ್ ಮಾಡಿ- https://www.dellaarambh.com/webinars/

ವಿಶ್ವದ ಪ್ರಸ್ತುತ ಪರಿಸ್ಥಿತಿಯಿಂದ ಮಕ್ಕಳು ಅತಿ ಹೆಚ್ಚು ಪ್ರಭಾವಿತರಾಗಿದ್ದಾರೆ. ಎಲ್ಲವನ್ನೂ ಸ್ಥಗಿತಗೊಳಿಸಿರುವ ಕಾರಣ, ಮಕ್ಕಳು ತಮ್ಮ ತರಗತಿ ಕೊಠಡಿಗಳು, ಸ್ನೇಹಿತರು ಮತ್ತು ಕಲಿಕೆಯ ವಾತಾವರಣವನ್ನು ತೊರೆಯಬೇಕಾಗಿ ಬಂತು. ಜ್ಞಾನ ಸಂಪಾದನೆಗಾಗಿ ಒಂದು ಸುರಕ್ಷಿತವಾದ ಸ್ಥಳವನ್ನು ರೂಪಿಸುವ ಜವಾಬ್ದಾರಿಯನ್ನು ಪೋಷಕರಿಗೆ ವರ್ಗಾಯಿಸಲಾಯಿತು, ಮತ್ತು ಒಂದು ಅನುಕೂಲಕರವಾದ ಕಲಿಕೆಯ ವಾತಾವರಣವನ್ನು ಸೃಷ್ಟಿಸಲು ತಂತ್ರಜ್ಞಾನದೊಂದಿಗೆ ಹೊಂದಿಕೊಳ್ಳುವ ಮತ್ತು ಸಾಧನಗಳೊಂದಿಗೆ ತಮ್ಮನ್ನು ತಾವು ಸಜ್ಜುಗೊಳಿಸಲು ಪ್ರಯತ್ನಿಸುವ ಜವಾಬ್ದಾರಿಯೂ ಪೋಷಕರ ಹೆಗಲಿಗೆ ಬಂತು. 

ಪೋಷಕರು ತಮಗೆ ಪರಿಚಯವಿಲ್ಲದ ಸಂಗತಿಗಳ ಮೂಲಕ ತಮ್ಮ ದಾರಿಯನ್ನು ಕಂಡುಕೊಳ್ಳುತ್ತಿರುವಾಗ, ಮಕ್ಕಳ ಬಗ್ಗೆ ಸಹಾನುಭೂತಿ ಮತ್ತು ದಯೆಯನ್ನು ತೋರಿಸಲು ನೆನಪಿಡುವುದು ಮುಖ್ಯ. ತರಬೇತಿ ಪಡೆದ ಶಿಕ್ಷಕರು ಸಹ ತಮ್ಮ ಮಕ್ಕಳಿಗೆ ಕಲಿಸಲು ಕಷ್ಟಪಡುತ್ತಾರೆ. ದೂರ ಶಿಕ್ಷಣದ ಮೂಲಕ ಕಲಿಯುವಾಗ ಗಮನ ಹರಿಸಲು, ಆಸಕ್ತಿ ವಹಿಸಲು ಮತ್ತು ಸಮತೋಲಿತವಾಗಿರಲು ಅವರಿಗೆ ಸಹಾಯ ಮಾಡಲು ನೀವು ಏನು ಮಾಡಬಹುದು ಎಂಬುದು ಇಲ್ಲಿದೆ:

1. ನಿರಂತರ ಮರುಮಾಹಿತಿ: ಮರುಮಾಹಿತಿ ಪಡೆಯುವ ವ್ಯವಸ್ಥೆಯನ್ನು ನಿಮ್ಮ ನಡುವೆ ನಿರಂತರವಾಗಿ ಮತ್ತು ಸೌಮ್ಯವಾಗಿರಿಸಿಕೊಳ್ಳಿ. ಪಾಲಕರು ಮಕ್ಕಳೊಂದಿಗೆ ಸುಲಭವಾಗಿ ವ್ಯವಹರಿಸಬೇಕು. ಶಿಕ್ಷಕರು ವಿದ್ಯಾರ್ಥಿಗಳೊಂದಿಗೆ ಸಂವಹನ ನಡೆಸುವಾಗ ಕೂಡಾ ಇದು ಅನ್ವಯಿಸುತ್ತದೆ. ಪರಿಣಾಮಕಾರಿಯಾದ ಮರುಮಾಹಿತಿ ಲೂಪ್ ಪ್ರಗತಿಯನ್ನು ಟ್ರ್ಯಾಕ್ ಮಾಡಲು ಸಹಾಯ ಮಾಡುತ್ತದೆ.
2. ಸ್ವಲ್ಪ ವಿರಾಮ ಪಡೆಯಿರಿ: ಶೈಕ್ಷಣಿಕ ಸ್ಥಳ ಮತ್ತು ಮನೆ ಒಂದಕ್ಕೊಂದು ಮುಖಾಮುಖಿಯಾಗುವುದರಿಂದ, ಸ್ವಲ್ಪ ಗುಣಮಟ್ಟದ ಸಮಯವನ್ನು ಕಳೆಯಲು ಮತ್ತು ವಿಶ್ರಾಂತಿ ಪಡೆಯಲು ವಿರಾಮ ಅತ್ಯಗತ್ಯವಾಗಿರುತ್ತದೆ. ಇದು ಪೋಷಕರು ಮತ್ತು ಮಕ್ಕಳು ಇಬ್ಬರಲ್ಲೂ ಒತ್ತಡ ನಿವಾರಣೆಗೆ ಸಹಾಯ ಮಾಡುತ್ತದೆ.
3. ಸಹಿಷ್ಣುತೆಯಿಂದಿರಿ: ಪ್ರತಿ ಮಗುವೂ ವಿಭಿನ್ನ ವೇಗದಲ್ಲಿ ಕಲಿಯುತ್ತದೆ. ಕಷ್ಟಕರವಾದ ವಿಷಯಗಳೊಂದಿಗೆ ವ್ಯವಹರಿಸುವಾಗ ಸಹನೆ ಮತ್ತು ತಾಳ್ಮೆಯಿಂದಿರಿ ಮತ್ತು ಹಿಂಜರಿಕೆಯಿಲ್ಲದೆ ಪ್ರಶ್ನೆಗಳನ್ನು ಕೇಳಲು ಅವರನ್ನು ಪ್ರೋತ್ಸಾಹಿಸಿ.
4. ಪ್ರೇರೇಪಿಸಿ: ಪ್ರೇರಣೆಯು ಮಕ್ಕಳು ಮತ್ತು ಪೋಷಕರು ಪರಸ್ಪರ ಉತ್ತಮ ಸಂಬಂಧವನ್ನು ಬೆಳೆಸಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಸ್ವಯಂ ಅರಿವನ್ನು ಉತ್ತೇಜಿಸುತ್ತದೆ. ಇದರ ಪರಿಣಾಮವಾಗಿ ನಿಮ್ಮ ಮಗು ಮತ್ತೆ ಬೆರೆಯಲು ಪ್ರಾರಂಭಿಸಿದಾಗ ಇದು ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.

ತಮ್ಮ ಅನುಭವಗಳಿಂದ ಮಕ್ಕಳು ಮತ್ತು ಪೋಷಕರು ವಿಕಸನಗೊಳ್ಳಲು ಒಂದು ಸಹಾನುಭೂತಿ ಮತ್ತು ಸ್ನೇಹಪರ ವಾತಾವರಣವನ್ನು ರಚಿಸುವ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ನಮ್ಮ ವೆಬಿನಾರ್ ಗೆ ಸೇರಿ.