नव्या प्रकारचं शिक्षण: संगणक आधारित

संगणकावर आधारित शिक्षणामुळे शिक्षक आणि मुलांसाठी बहुविध फायदे असलेला शिक्षणाचा एक नवा प्रकार उदयाला आला आहे. शिक्षक या नात्यानं तुम्ही या फायद्यांचा उपयोग वर्गात सर्वोत्तम अनुकूल शैक्षणिक वातावरण निर्माण करण्यासाठी केला पाहिजे.

1. तुमच्या फायद्यासाठी मल्टिमीडियाचा वापर करा.

संगणाकाधारित साधनांमुळे मुलांना तंत्रज्ञान कौशल्यं शिकताना शिकत असलेली गोष्ट नजरेसमोर आणणं, निर्माण करणं आणि स्वतःला व्यक्त करणं यासाठी मदत होते. यामुळे त्यांना केवळ त्यांच्या कल्पना समोर आणायलाच मदत होते असं नाही, तर त्यांच्या मोठेपणीसुद्धा त्यांना याचा उपयो होईल. उज्ज्वल भवितव्यासाठी उद्याच्या मुलांना मल्टिमीडियाची सवय लहान वयातच करुन द्या.

2. शिक्षणावर कोणतेही निर्बंध नसतील याची काळजी घ्या.

वर्चुअल शिक्षण घेताना विद्यार्थ्यांना शिक्षणाला कोणत्याही चौकटीत बंदिस्त करण्याची गरज नाही, कारण त्यांना जगभरातून कोणतंही कौशल्य शिकता येईल. यामुळे त्यांचा फक्त आत्मविश्वासच वाढेल असं नाही, तर त्यांना शोध घेण्याची आणि स्वतःचं व्यक्तिमत्व विकसित करण्याची संधीसुद्धा मिळेल.

3. नजरेसमोर उभं करण्याची साधनं वापरा

अमूर्त संकल्पना बऱ्याचदा नजरेसमोर उभं करणं कठीण असतं, म्हणूनच तुम्ही संकल्पनांचं अमूर्तपण कमी करण्यासाठी आणि त्या अधिक ठोस करण्यासाठी संगणक आधारित शिक्षणाचा वापर करु शकता, कारण त्यामुळे मुलाला त्या संकल्पना थेट समोरच बघता येतात.

4. सोप्या संवादावर भर द्या

संगणक, तंत्रज्ञान, आणि इंटरनेट अंतरावर मात करुन जग जवळ आणतात. तुमची मुलं फक्त तुमच्या शहराशी, शाळेशी आणि वर्गाशी संबंधित गोष्टीच शिकत नाहीत याची खातरजमा करा आणि शिक्षणाशी संबंधित वैश्विक दृष्टीकोनाचा वापर करा.

5. संशोधन आणि माहितीची वापरसुलभता वाढवा

संगणक शिक्षणामुळे मुलांचा संशोधनासाठी माहिती मिळवण्याचा वेग आणि सुलभता वाढते. केवळ काही क्लिक्सच्या माध्यमातून त्यांना त्यांच्या शंकांची उत्तरं मिळतात. त्यामुळे त्यांना विषय अधिक चांगल्या प्रकारे समजायला मदत होते.

तुमच्या विद्यार्थ्यांच्या अभ्यासाची आणि ज्ञानग्रहणाची पद्धत आमूलाग्र बदलण्यासाठी तुमच्या वर्गाला ई-शिक्षणाशी जोडा.