गृहपाठ (होमवर्क) देण्यासाठी ह्या तीन अफलातून युक्त्या तुम्ही वापरून पाहाच:

 

पाठ नियोजन (लेसन-प्लॅनिंग) करणे, अनेक इयत्तांना शिकवणे, आणि परीक्षा घेऊन उत्तरपत्रिका तपासणे- याच चक्रात शिक्षकांना सातत्याने फिरत राहावं लागतं आणि गृहपाठ म्हंटलं की धड्याच्या शेवटी दिलेले प्रश्न सोडवा किंवा वर्कशीट दया, असा नित्याचा पवित्र घ्यावा लागतो. मात्र आता अध्यापन किंवा शिकवण्याचे अपेक्षित उद्दिष्ट हे, मुलांना नव्याने शिकवलेला विषय त्यांनी पूर्णपणे आत्मसात करणे आणि त्या अभ्यास-विषयासंबंधी अधिक सखोल माहिती जाणून घेणे, हे आहे. हे सखोल माहिती घेण्याचे काम गृहपाठाद्वारे केले जाऊ शकते आणि ही नेहमीपेक्षा थोडी वेगळी पद्धती असल्यामुळे मुलांसाठी ते रंजक सुद्धा ठरू शकते. तुमच्या वर्गात वापरता येतील अशा तीन अगदी निराळ्या आणि अफलातून युक्त्या इथे सांगत आहोत:

१. वेळ झाली कोडे सोडवण्याची!

तुमच्या विद्यार्थ्यांकडे असलेला माहितीचा साठा आणि त्यांची स्पर्धात्मक गुणवत्ता तपासण्यासाठी डिस्कव्हरी एज्युकेशनचे कस्टम पझल मेकर हे साधन (फीचर) वापरा. त्यामुळे त्यांना माहित असणे अपेक्षित असलेले शब्दांची त्यांना ओळख होईल. त्या सास्त्रीय संज्ञा असोत, समानार्थी शब्द असोत किंवा अगदी ऐतिहासिक व्यक्तिमत्त्वे असोत – मुलांना नव्याने शिकवलेले शब्द लक्षात राहणे आणि त्यांची जिज्ञासू वृत्ती सतत जागृत राहणे, हे एवढेच त्यांना संशोधन करायला प्रवृत्त करण्यासाठी पुरेसे आहे.

२. आय एम फिलिंग लकी (मी खूप भाग्यवान आहे!)

गुगलच्या सर्च इंजिनसारखेच गुगल अर्थमध्ये एक वैशिष्ट्यपूर्ण साधन/फीचर आहे, त्याचे नाव “आय एम फिलिंग लकी” (मी खूप भाग्यवान आहे, असा याचा अर्थ होतो). ह्याच्या मदतीने विद्यार्थ्यांना एखाद्या नवीन ठिकाणाविषयीची खडान् खडा माहिती मिळते आणि त्याचा उपयोग ते निबंधासाठी, सादरीकाराणासाठी किंवा संपूर्ण प्रकल्पासाठी करू शकतात. हे शोधण्याचा संपूर्ण अनुभव एवढा गुंग करून टाकणारा असतो की मुले स्वत:हूनच ह्या कामात गुंतून राहतात आणि हळूहळू त्यांना ही प्रक्रिया खूपच आवडायला सुद्धा लागते.

३. हसत खेळत गणित

दोन प्रकारचे विद्यार्थी असतात – ज्यांना गणित आवडते असा एक प्रकार आणि जे हा विषय पूर्णपणे टाळू इच्छितात असे दुसऱ्या प्रकारचे विद्यार्थी. मग अशा विद्यार्थ्यांना गृहपाठ म्हणून गणितावर आधारित असलेल्या इंटरॅक्टिव्ह गेम्स (खेळ)चा सराव करण्यास सांगावे जेणेकरून मुले ह्या सरावाला अभ्यास न समजता आनंदाने गणिते सोडवतील. अधिकाधिक मार्क मिळवण्यासाठीची चुरस आणि ठराविक वेळेत दिलेली गणिते सोडवण्याची मजा हे विद्यार्थांना हा सराव सातत्याने करणाची प्रेरणा देत राहतात.

ह्या युक्त्या म्हणजे अगदी आरंभ बिंदू आहे. अभ्यासातील एखादे विशिष्ट उद्दिष्ट गाठण्यासाठी, पीसी (कॉम्प्युटर) आणि विकीस्पेसेस क्लासरूमच्या मदतीने, तुम्ही तुमच्या विद्यार्थ्यांसाठी स्वत:हून आणखी अभिनव युक्त्या शोधून काढू शकता जेणेकरून त्यांचा गृहपाठ ही त्यांच्यासाठी आनंददायी प्रक्रिया ठरेल.