ஒரு புதிய முறை கல்வி: கணிப்பொறிகளைச் சார்ந்து

 

கணிப்பொறி சார்ந்த கற்றல் யுகமானது ஆசிரியர்கள் மற்றும் மாணவர்களுக்கு பல நன்மைகள் தரும் ஒரு புதிய முறை கல்வியைக் கொண்டுவந்துள்ளது. ஒரு ஆசிரியராக நீங்கள் கீழ்கண்ட நன்மைகளை உபயோகித்து கற்றலுக்கு மிகவும் உகந்த வகுப்பறை சூழலை உருவாக்க வேண்டும்.

 

  1. பல்லூடகத்தை உங்கள் நன்மைக்கு உபயோகியுங்கள்

தொழில்நுட்பம் சார்ந்த திறன்களைக் கற்கும் பொழுது, மாணவர்கள் அவற்றைக் கற்பனை செய்து, உருவாக்கி தங்களை வெளிப்படுத்த PC சார்ந்த கருவிகள் உதவுகின்றன. அவர்களது யோசனைகளைக் கண் முன்னே நிஜமாகக் கொண்டு வருவது மட்டுமன்றி அவர்களது எதிர்கால வாழ்க்கைக்கும் அவை உதவுகின்றது. நாளைய சிறுவர்களை சிறு வயதில் இருந்தே பல்லூடகத்திற்கு வெளிப்படுத்தி அவர்களுக்கு பிரகாசமான எதிர்காலத்தை உருவாக்குவோம்.

 

  1. கற்றலுக்கு எந்த ஒரு வரைமுறையும் இல்லாமல் பார்த்துக்கொள்ளுங்கள்

மெய்நிகர் கற்றல் முறையின் மூலம் உலகின் எந்த ஒரு மூலையில் இருக்கும் திறனையும் கற்றுக்கொள்ள முடியும் என்பதால், மாணவர்களுக்கு கல்வியில் வரைமுறை என்ற ஒன்றே இல்லை. இது அவர்களுக்கு தன்னம்பிக்கை தருவதோடு மட்டுமல்லாமல் தங்கள் ஆளுமையை உணர்ந்து அதை வலுப்படுத்தவும் வாய்ப்பு வழங்குகிறது.

 

  1. காட்சிப்படுத்தும் கருவிகளை உபயோகியுங்கள்

நுண்புலன் கருத்துகளைக் கற்பனை செய்தல் கடினம், அதனால் தான் PC சார்ந்த கற்றல் கருவிகளைக் கொண்டு கருத்துகளின் நுண்ணியத் தன்மையைக் குறைத்து குழந்தைகளின் கண்களுக்குப் புலப்படுமாறு மாற்ற முடியும்.

 

  1. எளிதான தகவல்தொடர்பு

கணிப்பொறிகள், தொழில்நுட்பம் மற்றும் இணையம் இவை அனைத்தும் சேர்ந்து தூரங்களைக் கடந்து உலகத்தை நெருக்கமாகப் பிணைக்கிறது. உங்கள் குழந்தை உங்கள் நகரம், பள்ளி மற்றும் வகுப்பறையுடன் நிற்காமல், கற்றல் மீது ஒரு உலக பார்வையைக் கொள்ள நீங்கள் உதவலாம்.

 

  1. ஆராய்ச்சி மற்றும் தகவலுக்கு விரைவான வழியை உருவாக்குகிறது

குழந்தைகளுக்கு ஆராய்ச்சிகளுக்கானத் தகவல்களை எளிதாகவும் விரைவாகவும் பெற கணிப்பொறிக் கல்வி உதவுகிறது. சில பொத்தான்களை அழுத்தினால், அவர்களது சந்தேகங்களுக்கு விடை கிடைத்து அவர்களது புரிதலை மேம்படுத்துகிறது.

 

உங்கள் மாணவர்கள் படிக்கும் விதத்தை மாற்றவும் அறிவைப் புகுத்தவும் உங்கள் வகுப்பறைக்குள் ஈ-லேர்னிங்கைப் புகுத்துங்கள்.



மெய்நிகர் கற்றலில் பெற்றோர் மற்றும் ஆசிரியர் கூட்டுமுயற்சி

தற்போதைய காலத்திற்கு ஒத்துப்போக வேண்டியிருப்பதால் மெய்நிகர் பள்ளிகள் எழுகின்றன. ஒரு குழந்தையின் கல்விப்பயணத்தைப் புரிந்துக்கொள்ள உதவுவதற்கு அது புதிய கண்ணோட்டங்களைக் கொண்டு வந்துள்ளது. ஒரு குழந்தையின் கற்றலில் பாதிப்பை ஏற்படுத்தும் காரணிகளில் முக்கியமான ஒன்று பெற்றோர் மற்றும் ஆசிரியர்கள் நடுவில் இருக்கும் தொடர் உரையாடல் ஆகும்.

முன்னேற்றத்தைத் ட்ராக் செய்தல்

உங்கள் குழந்தையின் கற்றல் மற்றும் பள்ளியில் அவர்களின் முன்னேற்றம் ஆகியவற்றில் பெற்றோரான உங்களுக்கு ஆழ்ந்த உள்ளுணர்வு இருக்கும். அனைத்துப் பாடங்களையும் உங்கள் குழந்தை சரியாகப் புரிந்துகொண்டாரா என்பதை உறுதிப்படுத்தும் பொறுப்பும் வாய்ப்பும் உங்களுக்கு வீட்டில் இருக்கிறது. 'இன்றைய வகுப்பில் நடந்த சிறந்த விஷயம் என்ன?' அல்லது 'இந்த வாரத்தில் வகுப்பில் நீ கற்றுக்கொண்ட புதிய விஷயம் இரண்டைக் கூறு பார்க்கலாம்' என்று கேள்விகள் கேட்பது மிகவும் அவசியம்.

உரையாடலைத் துவங்கவும்

இது போன்ற கேள்விகள் மூலம் பள்ளியில் உங்கள் குழந்தையின் போராட்டம் குறித்து நீங்கள் புரிந்துகொள்வதற்கு உதவும். பிறகு உடனடியாக அந்த போராட்டம் அல்லது முரண்பாடு குறித்து அவர்களின் ஆசிரியர்களிடம் பேசலாம். உங்களுக்கும் கல்வியாளருக்கும் இடையே தொடர்ந்து நடக்கும் உண்மையான உரையாடல்கள் ஆனவை உங்கள் குழந்தையின் வளர்ச்சி மற்றும் நினைவாற்றலைக் கண்காணிப்பதற்கு  உதவும். இந்த வழியில், குழந்தையை அச்சுறுத்தாமல் சிக்கல்களை சுபமாகத் தீர்ப்பதற்கு உதவும்.

நேர்மறை தாக்கம்

தங்கள் பெற்றோருக்கும் ஆசிரியருக்கும் இடையே ஒரு நேர்மையான உறவு இருக்கிறது என்பதை குழந்தைகள் உணர்ந்தவுடன் அனைத்துக் கேள்விகளையும் கேட்பதற்கு அவர்கள் தைரியமாக உணருவார்கள். வீட்டிலும் வகுப்பிலும் ஈடுபாட்டுடன் ஆர்வமாக இருப்பதற்கு இந்த உறவு ஊக்குவிக்கும். இதனால் அவர்கள் தொடர்ந்து உந்தப்பட்டு பள்ளியில் பாடங்களை மனதில் நிறுத்தவும் மகிழ்ச்சியாகக் கற்கவும் உதவும். இதுவே அனைவரும் விரும்பும் நிலை ஆகும்.

எங்கள் வெபினார் மூலம் ஆசிரியர்களுடன் எவ்வாறு இணைந்து பணியாற்றுவது என்பது குறித்து மேலும் அறியுங்கள். டிஜிட்டல் உலகின் உரிமையாளர்களை சிறப்பாக வளர்ப்பதற்கு எங்கள் வெபினாரில் இணையுங்கள்:  https://www.dellaarambh.com/webinars/



சிறந்த ஆன்லைன் மற்றும் ஆஃப்லைன் கற்பித்தலின் கோட்பாடுகள்

தற்போதைய சூழலில் ஆசிரியர்கள் மற்றும் மாணவர்கள் இருவரும் கல்வியின் ஒரு புதிய தோற்றத்தை எதிர்கொள்கிறார்கள் - அதுவே ஆன்லைன் கற்றல் ஆகும். ஆசிரியர்கள் வகுப்பறை சூழலுக்கு ஏற்றபடி தங்கள் பாடங்களைத் திட்டமிடுவது மட்டுமல்லாமல் மாணவர்களுக்கு வீட்டில் இருக்கும் சூழலையும் கருத்தில் கொள்ளவேண்டும். ஒரு சிறந்த கற்றல் சூழலை உருவாக்கும் பொறுப்பு ஆசிரியர்களான உங்கள் கைகளில் தான் உள்ளது. மாணவர்கள் ஆன்லைன் மற்றும் ஆஃப்லைன் வகுப்புகள் இரண்டின் நன்மைகளையும் பெறுவதை எப்படி உறுதிப்படுத்துவது என்பதை இங்கே பார்க்கலாம்.

 

  • ஒரு கற்றல் சமூகத்தை உருவாக்குவது

கற்பவர்களுடன் ஒரு குழுவை உருவாக்கி கூட்டுமுயற்சியுடன் பணியாற்றுமாறு ஒரு பணியைக் கொடுப்பது சரியான கற்றல் சூழலை உருவாக்க ஒரு நல்ல வழியாகும். மாணவர்கள் வகுப்பறையை விட்டு தள்ளி இருக்கும் சூழலிலும் கூட கூட்டுப்பணியை ஊக்குவிக்க வேண்டும், அப்பொழுது தான் அவர்கள் தலைமைப் பண்பை வளர்த்துக்கொண்டு பிற்காலத்தில் தலைவர்கள் ஆகமுடியும்.

 

  • பின்னூட்டம்

வாரம் முழுக்க மாணவர்கள் சலிப்படையாமல் இருக்க தொடர் பின்னூட்டம் மற்றும் வீட்டுப்பணிகளுக்கு சரியான திட்டத்தைப் பின்பற்றுதல் ஆகியவை உதவும்.

 

  • விரிவானப் பாடத்திட்டம்

மாணவர்களின் கற்றல் முறைக்கு ஏற்ற விரிவான, நன்கு முறைப்படுத்திய எளிதாகக் கையாளக் கூடிய பாடத்திட்டத்தை வடிவமையுங்கள். மாணவர்களின் திறமைகளை உபயோகப்படுத்தி ஒரு முழுமையான கற்றல் அனுபவத்தைக் கொடுக்கவும் அவர்களது ஒழுக்கம் மற்றும் நினைவாற்றலை அதிகரிக்கவும் பாடத்திட்டம் ஒரு சிறந்தக் கருவி ஆகும்.

 

  • கல்விசார்ந்த வேடிக்கை இடைவேளைகள்:

வேடிக்கை இடைவெளிகளே இல்லாமல் தொடர்ச்சியாக வகுப்பறைகளில் அமர்ந்தால் குழந்தைகள் பாடத்தில் ஆர்வத்தை இழக்கக் கூடும். ஒவ்வொரு வகுப்பின் தொடக்கத்திலும் இறுதியிலும் மாணவர்களது தனித்திறன்கள் மீது கவனம் செலுத்தும் பயிற்சிகள் இருந்தால் அவர்கள் சிறப்பாகப் பாடத்தை உட்கொள்வார்கள்.

 

ஆன்லைன் கற்றலுக்கு அடித்தளம் விடுவதே இப்போதைய தேவையாகும். உங்கள் மாணவர்களை அவர்களது சிறந்தப் பதிப்பாக மாற்றுவது பற்றி மேலும் அறிய எங்கள் வெபினாரில் இணையுங்கள் - https://www.dellaarambh.com/webinars/