ஒவ்வொரு வருடமும் மார்ச் 8 ஆம் தேதி சர்வதேச பெண்கள் தினமாக உலகம் முழுவதும் கொண்டாடப்பட்டு வருகிறது. அப்படி ஒரு வரலாற்றுச் சிறப்பு மிக்க நாளில், பெண்கள் செய்யும் தியாகங்களையும் சமூகத்தில் அவர்கள் வைத்திருக்கும் சக்தியையும் குழந்தைகள் கற்றுக்கொள்ள வேண்டும்.

உங்கள் குழந்தையுடன் ஒரு சிறந்த கல்விபுகுத்தும் சர்வதேச பெண்கள் தினத்தை நீங்கள் இவ்வாறு திட்டமிடலாம்

ஒரு திரைப்பட இரவைத் திட்டமிடுங்கள்

குழந்தைகளுக்கு ஊக்கமளிக்கும் வலிமை வாய்ந்த பெண் கதாபாத்திரங்கள் பல திரைப்படங்களில் உண்டு. உங்கள் குழந்தையின் வயதைப் பொறுத்து, பெண்களின் வலிமையைக் கொண்டாடும் ஒரு திரைப்படத்தை அவர்களுடன் அமர்ந்து பாருங்கள்.

இணையத்தில் சுயசரிதம் படியுங்கள்

இன்று, சர்வதேச பெண்கள் தினத்திற்கு உகந்தவாறு சக்தி வாய்ந்த பெண்களின் சுயசரிதங்கள் இணையத்தில் கிடைக்கின்றன. வடிவமைப்பாளர்கள் முதல் கலைஞர்கள் முதல் விஞ்ஞானிகள் வரை தங்கள் வாழ்வில் பல சாதனைகளைப் புரிந்த தலைசிறந்த பெண்மணிகளின் வாழ்க்கையை நீங்களும் உங்கள் குழந்தையும் ஒன்றாகக் கண்டறியலாம்.

ஒரு உணவை ஒன்றாகத் தயார் செய்யுங்கள்

நீங்களும் உங்கள் குழந்தையும் சில எளிதான சுவாரசியமான உணவை ஒன்றாகச் சமைக்கலாம். அவர்களே YouTube -ஐப் பார்த்து செய்முறையைக் கண்டுபிடிக்கட்டும் மேலும் இரவு உணவையும் தீர்மானிக்கட்டும். இது சமையல் என்பது ஒரு பொதுவான வாழ்க்கைக்குத் தேவையானத் திறன், பாலினம் சார்ந்த பணி அல்ல என்பதை அவர்களுக்கு உணர்த்தும்.

ஒரு போட்டி விளையாட்டு விளையாடுங்கள்

நீங்கள் ஒன்றாக வேடிக்கையான போட்டி விளையாட்டுகள் விளையாட வேண்டும். பெரும்பாலானக் குழந்தைகளுக்கு விளையாடப் பிடிக்கும், ஆனால் பெரியவர்களான நமக்கு அவர்களுடன் விளையாட நேரம் கிடைப்பதில்லை. ஒன்றாக விளையாடும் பல விளையாட்டுகள் ஆன்லைனில் உள்ளன

ஒரு மெய்நிகர் வாழ்த்து அட்டை வடிவமைக்க அவர்களுக்கு உதவுங்கள்

ஆன்லைனில் வாழ்த்து அட்டைகள் உருவாக்க உங்கள் குழந்தையை உந்துங்கள், அவற்றை சர்வதேச பெண்கள் தினத்தன்று ஆசிரியர்களுக்கும் குடும்ப உறுப்பினர்களுக்கும் அனுப்புங்கள். Canva போன்ற ஆன்லைன் கருவிகள் கொண்டு செயல்முறையை எளிதாகவும் கற்பனைத் திறன் மிகுந்தும் எடுத்துச் செல்லலாம்.

இந்த மகிழ்ச்சியான வழிகளால், சர்வதேச பெண்கள் தினம் பற்றி உங்கள் குழந்தைகளுக்குக் கற்றுக்கொடுப்பதோடு 

மட்டுமல்லாமல் சிறப்பாகவும் நேரத்தை செலவழிக்கலாம்.

தங்கள் பாடத்திட்டத்தை முடிப்பதற்கு குழந்தைகள் குருட்டு மனப்பாடம் செய்யும் பழக்கத்தை வளர்க்க முற்படுவார்கள். இருந்தாலும், குழந்தைகளுக்கு பாடங்களைப் புரிந்தும் கொள்வதைக் கற்பிக்காததால், குருட்டு மனப்பாடம் செய்தவதால் எந்தப் பயனும் இல்லை. இந்த முறையில் கற்ற பாடங்களைக் குழந்தைகள் எளிதாக மறந்துவிடுவார்கள் என்பதால், இந்த முறையால் நீண்ட காலப் பயன் எதுவும் இல்லை.

குருட்டு மனப்பாடம் செய்வதன் குறிப்பிடத்தக்கக் கேடுகள் பின்வருகின்றன:

எளிதாக மறக்கக்கூடியது

தேர்வு என்று வரும்போது, குழந்தைகள் படிக்கும் போதே கருத்துருக்களை முழுமையாகப் புரிந்துகொள்ள வேண்டும். குருட்டு மனப்பாடம் செய்தால், தேர்வு முடிந்தவுடனே அந்தக் கருத்துக்களை அவர்கள் மறந்துவிட நிறைய வாய்ப்புகள் உள்ளன. எதிர்காலத்தில் அவர்கள் வளர்ச்சியை இது பாதிக்கும் ஏனென்றால் அவர்களால் உயர்நிலை கருத்துருக்களை எளிதாகப் புரிந்துகொள்ள முடியாது.

பாடத்தின் ஆழ்ந்தப் புரிதலைக் கட்டுப்படுத்துகிறது-

குருட்டு மனப்பாடம் செய்தால் எந்தப் பாடத்திலும் வலுவான அடித்தளம் பெற முடியாது, இதனால் அவர்கள் வளர்கையில் கடினமானப் பாடங்களைக் கற்பதில் சிக்கல் ஏற்படும். உதாரணமாக, எவ்வாறு பெருக்குதல் என்பதை அறியாமல் ஒருவரால் ஒரு சமன்பாட்டிற்குத் தீர்வு கண்டுபிடிக்க முடியாது. குருட்டு மனப்பாடம் செய்வதால் புதிய மற்றும் பழைய அறிவு இரண்டிற்கும் இடையே உள்ள சிக்கலான இணைப்புகளைக் குழந்தைகளால் இணைக்க முடியாது.

மூளைக்குச் சவால் ஏற்படுத்தாது-

குழந்தைகளை ஒரு விடையை மனப்பாடம் செய்யச் சொல்லாமல், அவ்விடையை நிரூபிக்கச் சொன்னால் கருத்துருக்களின் மீது ஆழ்ந்தப் புரிதலைப் பெற உதவும். அவர்களின் மூளைக்கு சவால் விடும் பொழுது, அவர்கள் கற்று வளர்வார்கள், இது அவர்களை வகுப்பில் முதலாவதாக இருக்க உதவும்.

குருட்டு மனப்பாடத்திற்கு தடை சொல்லுங்கள். உங்கள் குழந்தைகளுக்கு அறிவு, வளர்ச்சி மற்றும் ஆர்வம் நிரம்பிய எதிர்காலத்தை வழங்குங்கள். முக்கியக் கருத்துக்களைப் புரிந்து கொண்டு டிஜிட்டல் உலகின் ஜாம்பவான்களை வளர்ப்பது குறித்து அறிய எங்கள் வெபினாரில் இணையுங்கள். – 

https://www.dellaarambh.com/webinars/

இன்றைய கவனச்சிதறல்கள் நிறைந்த டிஜிட்டல் உலகில் உங்கள் குழந்தையின் கல்வி முன்னேற்றத்தைப் பின்தொடருதல் மிகவும் சிக்கலான ஒன்றாகும். அதனால், பெற்றோர்களான நாம் நம் குழந்தைகளின் ஆசிரியர்களிடம் பொருத்தமானக் கேள்விகளைக் கேட்டுக்கொண்டே இருக்கவேண்டும். அதன் பதில்கள் நமக்கு  ஒளியைக் கொடுக்கும், அதன் மூலம் குழந்தையின் முன்னேற்றத்தைப் பின் தொடர்ந்து இடைவெளிகளை அடையாளம் கண்டு அவர்களுக்கு சிறப்பான முழுமையான கற்றல் அனுபவத்தைக் கொடுக்கலாம்.

சில முக்கியமானக் கேள்விகள் இதோ:

1. எந்த அணுகுமுறையில் எனது குழந்தை அதிக முன்னேற்றம் அடைகிறார்?

உங்கள் குழந்தைக்குச் சிறந்த பலன் அளிக்கும் கற்றல் முறைகளை அடையாளம் காண இந்தக் கேள்விக்கான பதிகள் உதவும். நீங்களும் அந்த முறைகளை வீட்டில் பின்பற்றி பள்ளியில் கற்றவற்றை வலுப்படுத்தலாம்.

2. இந்தப் பருவத்தில் என் குழந்தையின் சிறந்த வெற்றி எது?

இந்தக் கேள்வி மிகவும் முக்கியமானது. உங்கள் குழந்தைக்கு உண்மையில் இதில் ஈடுபாடு உள்ளது என்பதை நீங்கள் இதன் மூலம் அறியலாம். அவர்களது திறன் மற்றும் அறிவைப் புரிந்துக்கொண்டால் அவர்களுக்கு நீங்கள் சிறப்பாக ஊட்டமளிக்க முடியும்.

3. என் குழந்தை பின்தங்கினால் நான் என்ன செய்யவேண்டும்?

அப்படி நடந்தால் மனம் உடையவேண்டாம். உங்கள் குழந்தையின் ஆசிரியருடன் கலந்தாலோசித்து உங்கள் குழந்தையை ஊக்குவிக்க ஒரு திட்டத்தை உருவாக்குங்கள். தடைகளை மீறி அவர்கள் வலிமை பெற உதவும் கருவிகளை நீங்கள் அவர்களுக்கு வழங்கலாம்.

4. என் குழந்தை ஈடுபாட்டுடனும் ஊக்கத்துடனும் இருக்க வீட்டில் நான் என்ன செயல்பாடுகளை நடத்தலாம்?

வீட்டுச் செயல்பாடுகள் உங்கள் குழந்தையின் ஆர்வத்தைத் தூண்ட வேண்டும். பள்ளியில் கற்ற திறன் மற்றும் கற்றலுக்கு துணைபுரியுமாறு அவை இருக்க வேண்டும்.

5. என் குழந்தையின் சமூகத் திறன் வளர்ப்பதை எப்படி உறுதி செய்வது மற்றும் அவரது வகுப்பறை நண்பர்களுடன் எப்படி நட்பைப் பராமரிப்பது?

பள்ளியில் உங்கள் குழந்தையின் நடத்தையைப் புரிந்துக்கொள்வது அவர்களை சிறப்பாக வழிநடத்த உங்களுக்கு உதவும். அவரது ஆசிரியருடன் பேசினால் சிக்கல் உள்ள பகுதிகளை அடையாளம் காண முடியும். மேடைப் பயம், பேசாமை அல்லது வேறு ஏதேனும் தடைகள் இருக்கக்கூடும். பிறகு உங்கள் குழந்தையை சரியான திசையில் வழிநடத்தி அவர்கள் வகுப்பு மாணவர்கள் மற்றும் சகாக்களுடன் சிறந்த நட்பை வளர்க்க உதவலாம்.

உங்கள் குழந்தையின் ஆசிரியருடன் இணைந்து பணியாற்ற சிறந்த வழிகள் பற்றி மேலும் அறிய எங்கள் வெபினாரில் இணையுங்கள் -  https://www.dellaarambh.com/webinars/